गेल्या महिन्यात विना अनुदानित गॅस सिलिंडरच्या दरात वाढ करण्यात आली होती. या महागाईमुळे त्रस्त झालेल्या सर्वसामन्यांना या दरवाढीचा त्रास सहन करावा लागत होता. मात्र आता सर्वसामान्यांसाठी एक दिलासादायक बातमी आहे. कारण विना अनुदानित गॅस सिलिंडरच्या दरात घट झाली आहे. तेल कंपन्यांनी सिलिंडरच्या दरात मोठी घट केली आहे. आजपासून दिल्ली आणि मुंबईमध्ये विना अनुदानित १४.२ किलो एलपीजी सिलिंडर ५३ रुपयांनी स्वस्त झाला आहे.
सिलिंडरच्या दर वाढीत गेल्या महिन्यात १५० रुपयांची वाढ केली होती. मुंबईत ८२९.५० रुपये, दिल्लीत ८५८.५० रुपये, कोलकाता मध्ये ८९६.०० रुपये आणि चेन्नईत ८८१.०० रुपयांनी वाढ करण्यात आली होती. मात्र आजपासून नवे दर लागू करण्यात आले आहेत. आता मुंबईत ७७६,५० रुपये आहेत. तर दिल्लीत ८०५.५० रुपये, कोलकातामध्ये ८३९.५० रुपये आणि चेन्नईत ८२६ रुपये आहे.
इंडियन ऑईल कॉर्पोरेशनच्या वेबसाईटनुसार, गॅस सिलिंडरच्या दरामध्ये ऑगस्ट २०१९ ते जानेवारी २०२० पर्यंत तब्बल सहा वेळा वाढ झाली होती. गॅस सिलिंडरचे दर १ जानेवारी रोजी बजेट मांडण्यापूर्वी भडकले होते. २२४.९८ रुपयांची वाढ कमर्शिअल गॅस सिलिंडरमध्ये झाली होती. मात्र आजपासून सर्वसामान्यांना दिलासा मिळणार आहे.
हेही वाचा – मुंबईत मे २०२० पर्यंत संपूर्ण प्लास्टिक बंदी !
