नवनियुक्त राज्यपाल रमेश बैस हे येत्या शनिवारी (18 फेब्रुवारी 2023) राज्यपालपदाची शपथ घेणार आहेत. राजभवनमधील दरबार हॉलमध्ये येत्या शनिवारी दुपारी 12 वाजून 40 मिनिटांनी हा शपथविधी सोहळा होईल. मुंबई उच्च न्यायालयाचे हंगामी मुख्य न्यायमूर्ती संजय गंगापूरवाला हे बैस यांना पदाची शपथ देतील. यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस यांच्यासह सर्व मंत्री उपस्थित राहणार आहेत. तर, राज्यपालपदावरून निवृत्त होत असलेले भगतसिंह कोश्यारी यांची आज सकाळी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी राजभवन येथे निरोप भेट घेतली.
नवनियुक्त राज्यपाल रमेश बैस हे येत्या शनिवारी (18 फेब्रुवारी 2023) राज्यपालपदाची शपथ घेणार आहेत.
राज्यपालपदावरून निवृत्त होत असलेले भगतसिंह कोश्यारी यांची आज सकाळी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी राजभवन येथे निरोप भेट घेतली.
यावेळी उभयतांनी राज्यपालांना भावी वाटचालीसाठी व दीर्घ आयुरारोग्यासाठी शुभेच्छा दिल्या.
तसेच शिंदे-फडणवीसांनी भगतसिंह कोश्यारी यांना भेटवस्तू दिल्या.
यावेळी राजशिष्टाचार विभागाच्या अतिरिक्त मुख्य सचिव मनिषा म्हैसकर या देखील उपस्थित होत्या.
महाराष्ट्राच्या राज्यपालपदाचा राजीनामा दिल्यानंतर भगतसिंग कोश्यारी शुक्रवारी संध्याकाळी डेहराडूनला पोहोचतील.
