राज्याचे नगरविकास मंत्री एकनाथ शिंदे यांच्याविरोधात आक्षेपार्ह पोस्ट केल्यामुळे मराठी अभिनेता मयुरेश कोटकरला अटक करण्यात आली आहे. नवी मुंबई विमानतळ नामकरणाचा मुद्दा चांगलाच तापला आहे. नवी मुंबई विमानतळाला दी.बा.पाटील यांचे नाव देण्याच्या मुद्द्यावरुन आंदोलन करण्यात आले होते. या आंदोलनात अभिनेता मयुरेश कोटकर देखील सहभागी होता. आंदोलनात सहभागी असल्यामुळे अटक करण्यात आली का? असा सवाल विधानपरिषदेचे विरोधी पक्षनेते प्रवीण दरेकर यांनी केला आहे. मयुरेश कोटकरला ठाण्यातील श्रीनगर पोलिसांनी अटक केली असून त्याला न्यायालयीन कोठडी सुनावण्यात आली आहे.
लोकशाहीमध्ये अभिव्यक्ती स्वातंत्र्याचे ढोल पिटत असताना कोटकर नावाच्या व्यक्तीवर गुन्हा दाखल करणं निंदनीय आहे. अभिनेता कोटकर नवी मुंबईतील विमानतळाला दि.बा.पाटील यांचं नाव देण्यात यावं अशी मागणी करणाऱ्या आंदोलनात सहभागी झाल्या आहेत. फेसबूकच्या माध्यमातून अनेकजण बोलत असतात. परंतु आपल्याबद्दल टीका केली म्हणून त्याच्यावर गुन्हा दाखल करण, अटक करण हे चूकीचे आहे. ठाण्यातील कुरमुसे प्रकरण, दिलीप लांडेंनी कत्राटदारावर कचरा टाकण्याचं प्रकरणं या सगळ्याचा निषेध करतो. असे विधानपरिषद विरोधी पक्षनेते प्रवीण दरेकर यांनी म्हटले आहे.
महाविकास आघाडीच्या विरोधात एखाद्या व्यक्तीने स्पष्ट भूमिका मांडली, तर त्याला अटक होणे, गुन्हे दाखल होण्याचा प्रकार सरकारमध्ये घडतोय.
लोकनेते दि.बा.पाटील यांचे नाव नवी मुंबई विमानतळाला देण्याच्या आंदोलनात मयुरेश कोटकर सहभागी असल्यामुळे त्यांच्यावर सूड उगवला जातोय का? pic.twitter.com/HTmhGu9SN4— Pravin Darekar – प्रविण दरेकर (@mipravindarekar) June 15, 2021
कोटकरविरोधात पोलिसांत तक्रार
शिवसेना नेते आणि नगरविकास मंत्री एकनाथ शिंदे यांच्याविरोधीत मराठी अभिनेता मयुरेश कोटकरने सोशल मीडियावर आक्षेपार्ह पोस्ट केली होती. यामुळे शिवसेना कार्यकर्त्यांनी पोलिस स्थानकात तक्रार दाखल केली होती. पोलिसांनी कारवाई करत मयुरेश कोटकरला न्यायालयीन कोठडी सुनावली होती.