पुणे : रेशनकार्ड (Ration Card) मिळविणण्यासाठी याआधी सरकारी कार्यालयाचे फेऱ्या माराव्या लागयच्या. जर असे करायेच नसेल तर त्या कार्यालयातील एजंटला पकडून त्यााल पैसे देऊन काम होत होते. यामुळे कार्यालयातील अधिकारी, कर्मचारी व एजंटला आर्थिक फायदा होत होता. पण आता हे सर्व करण्याची गरज नाही. कारण राज्य सरकारने रेशन कार्ड ऑनलाइन आणि निःशुल्क (मोफत) उपलब्ध करून देण्याचा निर्णय घेतला आहे.
ऑनलाइन अर्ज केल्यानंतर अर्जदाराची माहिती मिळविण्यासाठी जसे की, जर अर्जदार अंत्योदय योजनेतील किंवा राष्ट्रीय अन्नसुरक्षा योजनेतील असल्यास पूर्वीप्रमाणेच त्यासाठी रेशन अधिकाऱ्यांना व कर्मचाऱ्यांना त्याच्या कुटुंबाचा सर्व्हे करावा लागणार आहे. त्यामुळे रेशन कार्ड देताना पूर्वीचीच २० दिवसांची मुदत असणार आहे. पांढरे रेशन कार्ड काढायचे असल्यास पूर्वीप्रमाणे सात दिवस लागणार आहेत. रेशन कार्ड मान्य झाल्यानंतर त्याला ते ऑनलाइन डाउनलोड करता येणार आहे. त्यात रेशनसाठी त्याला कोणते दुकान मिळाले आहे, याचाही उल्लेख असणार आहे.
