Homeताज्या घडामोडीUddhav Thackeray : महावितरणाच्या बिलावर उद्धव ठाकरेंचा फोटो; भाजप आमदाराचा कारवाईचा इशारा

Uddhav Thackeray : महावितरणाच्या बिलावर उद्धव ठाकरेंचा फोटो; भाजप आमदाराचा कारवाईचा इशारा

Subscribe

भाजपाचे महाराष्ट्र प्रदेश प्रभारी रविंद्र चव्हाण यांनी महाविकास आघाडी सरकारला इशारा दिला आहे. जळगावात महावितरणकडून घरोघरी पाठविलेल्या विज बिलावर मुख्यमंत्री म्हणून उद्धव ठाकरे यांचा फोटो असल्याची माहिती समोर येत आहे.

मुंबई : भाजपाचे महाराष्ट्र प्रदेश प्रभारी रविंद्र चव्हाण यांनी महाविकास आघाडी सरकारला इशारा दिला आहे. जळगावात महावितरणकडून घरोघरी पाठविलेल्या विज बिलावर मुख्यमंत्री म्हणून उद्धव ठाकरे यांचा फोटो असल्याची माहिती समोर येत आहे. त्यावर शिवसेना ठाकरे गट आणि भाजप यांच्यात वाद सुरू झाल्याचे पाहायाला मिळत आहे. या प्रकरणी चौकशी करण्याचे आदेश देण्यात आले आहेत. (ravindra chavan angry over uddhav thackeray mscb photo action will be taken)

महावितरणावरील बिलावर छापलेल्या फोटोवरून महाराष्ट्र प्रदेश प्रभारी रविंद्र चव्हाण यांनी उद्धव ठाकरे यांनी इशारा दिला. “हे जर चुकून झाले असेल तर ठिक आहे. पण हे योग्य नाही. मात्र, हेतू पुरस्पर या गोष्टी होत असतील तर त्यावर नक्कीच कारवाई केली जाईल”, असं म्हणत रवींद्र चव्हाण यांनी उद्धव ठाकरेंना इशारा दिला आहे. या घटनेमुळे राजकीय वर्तुळात चर्चेला उधाण आले असून याचे पडसाद राज्यात उमटू लागले आहेत.

2022 साली माजी मुख्यमंत्री उद्धव ठाकरे हे मुख्यमंत्री पदावरुन पायऊतार झाले. त्यानंतर शिवसेनेतील बंडामुळे राज्यात महायुतीचे सरकार स्थापन झाले. त्यावेळी मुख्यमंत्री पदी एकनाथ शिंदे विराजमान झाले होते. त्यानंतर 2024मध्ये झालेल्या विधानसभा निवडणुकीत महायुतीला बहुमत मिळाले असून राज्यात पुन्हा महायुतीचे सरकार आले आहे. तसेच, आता मुख्यमंत्री पदी देवेंद्र फडणवीस हे विराजमान झाले आहेत. असे असताना जळगाव येथील या घटनेने एकच खळबळ उडवून दिली आहे.

जळगावात महावितरण कडून ग्राहकांना विज बिलाचे वितरण करण्यात आले आहे. या बिलांवर मुख्यमंत्री म्हणून आजही उद्धव ठाकरे यांचा फोटो छापण्यात येत आहे. महावितरणच्या कर्मचाऱ्यांना देखील यामुळे शॉक बसला आहे. या प्रकरणाची चौकशी सुरु आहे. हा प्रकार समोर येताच चर्चांना एकच उधाण आले आहे. याचे पडसाद आता राज्यात उमटू लागले आहेत.

या प्रकरणाबाबत भाष्य करताना रवींद्र चव्हाण म्हणाले की, मुख्यमंत्री देवेंद्र फडणवीस यांच्याशी यासंदर्भात बोलेन. हे प्रकार घडत असतील तर त्याच्यावर नक्कीच कारवाई केली जाईल.


हेही वाचा – Manoj Jarange : ‘शहाणा हो नाहीतर…’, बीड सरपंच हत्येप्रकरणी जरांगेंचा पुन्हा धनंजय मुंडेंना इशारा