राष्ट्रवादीचे सर्वेसर्वा शरद पवार यांची अचानक प्रकृती बिघडल्याने त्यांना ब्रिच कँडी रुग्णालयात दाखल करण्यात आले आहे. रविवारी सायंकाळच्या वेळेस पोटात दुखू लागल्याने त्यांना तात्काळ रुग्णालयात दाखल केले आहे. मात्र, आता त्यांची प्रकृती स्थिर असल्याचे बोले जात आहे. तसेच हा किरकोळ त्रास असल्याचे देखील सांगण्यात येत आहे. मात्र, यावर राष्ट्रवादीचे आमदार रोहित पवार म्हणतात, ‘आदरणीय पवार साहेब कोणताही त्रास तुमच्यासाठी किरकोळ असला तरी आमच्यासाठी तो मोठा असतो. लवकर बरं व्हा!’, असे म्हणत त्यांनी भावनिक ट्विट केले आहे.
काय म्हणाले रोहित पवार?
‘आदरणीय पवार साहेब कोणताही त्रास तुमच्यासाठी किरकोळ असला तरी आमच्यासाठी तो मोठा असतो. लवकर बरं व्हा! सर्वांच्या सदिच्छा तुमच्यासोबत आहेत! तुम्ही लवकर बरे व्हावेत म्हणून विठुरायाच्या चरणी प्रार्थना करतो’.
आदरणीय @PawarSpeaks
साहेब कोणताही त्रास तुमच्यासाठी किरकोळ असला तरी आमच्यासाठी तो मोठा असतो. लवकर बरं व्हा! सर्वांच्या सदिच्छा तुमच्यासोबत आहेत! तुम्ही लवकर बरे व्हावेत म्हणून श्री. विठुरायाच्या चरणी प्रार्थना करतो!🙏— Rohit Pawar (@RRPSpeaks) March 29, 2021
शरद पवार सोशल मीडियावर सक्रिय
शरद पवार यांची प्रकृती बिघडली असल्याने सध्या त्यांच्यावर रुग्णालयात उपचार सुरु आहे. मात्र, तरी देखील ते Active असल्याचे दिसून येत आहे. त्यांची ज्या व्यक्तींनी प्रकृत्तीबाबत विचारणा केली त्यांचे पवार यांनी ट्विटरवरुन आभार मानले आहेत. यामध्ये राज्याचे मुख्यमंत्री उद्धव ठाकरे, मनसे अध्यक्ष राज ठाकरे, लता मंगेशकर यांचे त्यांनी आभार मानले आहेत. यावरुन ते रुग्णालयात असताना देखील सोशल मीडियावर सक्रिय असल्याचे दिसून येत आहे.
महाराष्ट्राचे मा. मुख्यमंत्री श्री. उद्धव ठाकरे यांनी माझ्या प्रकृतीसंदर्भात अत्यंत आस्थेने विचारपूस केली. त्यांच्या सदिच्छा या महाराष्ट्राच्या प्रातिनिधिक भावना आहेत. मनपूर्वक आभार! @OfficeofUT@CMOMaharashtra
— Sharad Pawar (@PawarSpeaks) March 29, 2021
महाराष्ट्र नवनिर्माण सेनेचे नेते श्री. राज ठाकरे यांनी माझ्या प्रकृती स्वास्थ्यासाठी सदिच्छा व्यक्त करत आस्थेने चौकशी केली. त्यांचे मनापासून आभार! @RajThackeray
— Sharad Pawar (@PawarSpeaks) March 29, 2021
माझ्या प्रकृती अस्वास्थ्याची बातमी कळताच आदरणीय लता मंगेशकर दिदींनी माझ्याशी दूरध्वनीद्वारे संपर्क साधून माझ्या प्रकृतीची आस्थेने विचारपूस केली. लता दिदींसारख्या सुहृदय व्यक्तींच्या सदिच्छा माझ्या सोबत आहेत. त्यांचा मी मनपूर्वक आभारी आहे.@mangeshkarlata
— Sharad Pawar (@PawarSpeaks) March 29, 2021
हेही वाचा – शरद पवारांची प्रकृत्ती स्थिर; बुधवारी होणार शस्त्रक्रिया