Homeमहाराष्ट्रShirish More : धक्कादायक! संत तुकाराम महाराज यांचे अकरावे वंशज शिरीष मोरे...

Shirish More : धक्कादायक! संत तुकाराम महाराज यांचे अकरावे वंशज शिरीष मोरे यांची आत्महत्या; लग्नाच्या तोंडावर संपवले जीवन

Subscribe

पिंपरी चिंचवड : संत तुकाराम महाराज यांचे अकरावे वंशज ह.भ.प शिरीष महाराज मोरे यांनी आत्महत्या केली आहे. शिरीष मोरे यांनी सकाळी साडेआठच्या सुमारास राहत्या घरी उपरण्याने गळफास घेऊन आत्महत्या केली. आर्थिक विवंचनेतून ही आत्महत्या केल्याचं प्राथमिक पोलीस तपासात समोर आले आहे. या घटनेमुळे देहू गावावर शोककळा पसरली आहे.

शिरीष महाराज हे संत तुकाराम महाराज यांचे अकरावे वंशज होते. तसेच, त्यांचे निगडी येथे इडली उपहारगृह देखील होते. त्यांच्या पश्चात आई आणि वडील असा परिवार आहे. नुकताच शिरीष महाराज यांचा टिळा झाला होता. 20 फेब्रुवारीला शिरीष महाराज यांचा विवाह होणार होता.

हेही वाचा : ‘उद्धव ठाकरेंशी संबंध खराब नाहीत, पण…’, युतीवर मुख्यमंत्री फडणवीसांनी स्पष्टच सांगितले

दरवाजा वाजविला, पण…

शिरीष महाराज मोरे यांनी नवीन घर बांधले होते. खालच्या मजल्यावर आई-वडील आणि वरील मजल्यावर शिरीष महाराज हे राहत होते. मंगळवारी रात्री शिरीष महाराज खोलीत आराम करण्यासाठी गेले होते. बुधवारी ( 5 फेब्रवारी ) सकाळी आडे आठ वाजल्यानतंरही ते खाली आले नाहीत, त्यामुळे घरातील सदस्य वरती पाहण्यासाठी गेले. दरवाजा वाजविला, पण दार उघडले जात नव्हते.

त्यामुळे दार तोडण्यात आले. तेव्हा, शिरीष महाराज यांनी पंख्याच्या हुकाला उपरण्याने गळफास घेऊन आत्महत्या केल्याचं निदर्शनास आले. आत्महत्या करण्यापूर्वी त्यांनी चिठ्ठी लिहून ठेवली आहे.

प्राथमिकदृष्ट्या आर्थिक विवंचनेतून आत्महत्या केल्याचं कळते, अशी माहिती देहूरोड पोलीस ठाण्याचे वरिष्ठ पोलीस निरीक्षक विक्रम बनसोडे यांनी दिली. अधिक तपास देहूरोड पोलीस करत आहेत.

हेही वाचा : संभाजीनगरमध्ये बिल्डरच्या 7 वर्षीय मुलाचे किडनॅपिंग, अपहरणकर्ते फोन करून म्हणाले, ‘बच्चा चाहिए तो…’