Homeताज्या घडामोडीWalmik Karad : वाल्मिक कराडवर संक्रांत; हत्याकांड मास्टरमाईंडचा ताबा एसआयटीला मिळाला

Walmik Karad : वाल्मिक कराडवर संक्रांत; हत्याकांड मास्टरमाईंडचा ताबा एसआयटीला मिळाला

Subscribe

बीड – बीडच्या केज तालुक्यातील मस्साजोग गावचे सरपंच संतोष देशमुख यांच्या हत्या प्रकरणात मोठी अपडेट समोर आली आहे. वाल्मिक कराड याच्या कोठडीबाबत आज केज कोर्टात सुनावणी पार पडली. वाल्मिक कराडला खंडणीच्या गुन्ह्यात न्यायालयीन कोठडी सुनावण्यात आली. असं असलं तरी एसआयटीने हत्येच्या गुन्ह्यात वाल्मिक कराडचा ताबा आपल्याला मिळावा अशी मागणी कोर्टात केली. विशेष म्हणजे कलम 302 प्रकरणात वाल्मिक कराड याला मकोका गुन्हा दाखल करण्यात आला आहे. या प्रकरणी दोन्ही बाजूचा युक्तिवाद ऐकून घेतल्यानंतर केज कोर्टाने वाल्मिक कराड याचा एसआयटीकडे ताबा देण्याची मागणी मान्य केली. त्यामुळे वाल्मिक कराड याच्यासाठी हा मोठा धक्का आहे. हत्येच्या गुन्ह्यात सीआयडीने  त्याच्यावर प्रोडक्शन वॉरंट जारी केलं आणि कोर्टाने ते मंजूर केलं. त्यामुळे सीआयडीकडे वाल्मिक कराडचा ताबा मिळाला आहे. दरम्यान, संतोष देशमुख हत्या प्रकरणावर वाल्मिक कराड याच्या पोलीस कोठडीसाठी उद्या (बुधवार) त्याला पुन्हा कोर्टात हजर केलं जाईल. यावेळी त्याच्या पोलीस कोठडीबाबत युक्तिवाद केला जाणार आहे.

वाल्मिक कराडचे वकील म्हणाले…

केज न्यायालयात आज झालेल्या सुनावणीनंतर वाल्मिक कराडचे वकील सिद्धेश्वर ठोंबरे म्हणाले, “वाल्मिक कराडला सीआयडीने कस्टडीत घेतले आहे. दुसऱ्या गुन्ह्यात त्याला सीआयडीने ताब्यात घेतलं, आम्ही चॅलेंज करणार आहोत. खंडणीच्या गुन्ह्यात काही आढळलं नाही. एसआयटीने त्यांना का ताब्यात घेतलं? कशासाठी घेतलं? आमच्याकडे निकालाची प्रत आल्यावर त्यावर सविस्तर बोलू. उद्या कागदपत्र मिळाल्यावर आम्ही बाजू मांडू. 29 मे रोजी कोणत्या तरी आरोपीची केस होती. त्यात कराड नव्हते. आता त्यांचं नाव गोवण्यात आलं आहे. त्यावर आम्ही बाजू मांडणार आहोत. उद्या रिमांड मिळेल. त्यावर आम्ही बोलू. 29 नोव्हेंबर पासून कोणतीही तक्रार नाही. वाल्मिक कराडचं कशातच नाव नाही. तरीही त्यांच नाव घेण्यात आलं आहे.” असा आरोप वाल्मिक कराडचे वकील सिद्धेश्वर ठोंबरे यांनी केला.

“एसआयटीच्या ताब्यात आहे की सीआयडीच्या ताब्यात माहीत नाही. उद्या रिमांडला आणलं जाईल तेव्हा आम्ही त्यांच्यासोबत बोलू. कोणत्या आधारे ताब्यात घेतलं ते माहीत नाही. आज आम्हाला कोणतीच माहिती नाही. मकोका संदर्भातील कोणतेही कागदपत्र आमच्याकडे नाही. सीआयडीने प्रोडक्शन दाखल केलं. त्या आधारार कोर्टाने मंजूर केलं आहे. कोणत्याही माणसाच्या प्रॉपर्टीसाठी पोलीस कोठडी गरजेची नाही असं आम्ही सांगितलं. आमचा युक्तिवाद ग्राह्य धरला आहे”, अशी प्रतिक्रिया वकील सिद्धेश्वर ठोंबरे यांनी दिली.

हेही वाचा : Walmik Karad : कराडवर लावण्यात आलेला ‘मकोका’ म्हणजे काय? किती शिक्षा असते? तो लावण्याचा अधिकार कुणाला असतो?