भाजप खासदार किरीट सोमय्या (Kirit Somaiya) आज वाशिम दौऱ्यावर होते. वाशिमला जात असताना त्यांच्या ताफ्यावर दगडफेक आणि शाई फेक करण्यात आली. ही दगडफेक शिवसैनिकांकडून करण्यात आल्याचा आरोप किरीट सोमय्या यांनी केला आहे. आज दुपारी १२:३० वाजताच्या सुमारास किरीट सोमय्या यांनी ट्विटच्या माध्यामातून या घटनेची माहिती देत शिवसेना खासदार भावना गवळी (Bhavna Gavali) यांच्या समर्थकांकडून त्यांच्या गाडीला काळे झेंडे दाखवत दगड आणि शाई फेक केल्याचा आरोप किरीट सोमय्या यांनी केला आहे. (Shiv Sainiks throw stones at bjp leader Kirit Somaiya convoy during Washim tour) शिवसैनिकांनी माझ्या गाडीवर दगड फेक केल्याचा आरोप करत किरीट सोमय्या यांनी शिवसैनिकांना गुंड असे देखील म्हटले आहे. गाडीवर दगड फेक झाल्यानंतर किरीट सोमय्या घटनास्थळी न थांबता तिथून निघून गेले. दगडफेक केल्यानंतर घटनास्थळी मोठी गर्दी झाली. गर्दी नियंत्रणात आणण्यासाठी पोलिसांना सौम्य लाठीचार्ज करावा लागला.
Gundas of Shivsena Assaulted My Car, Thrown 3 Big Stone on My Car, which Heat Window/GlassScreen where I am Seating
Convoy had Police Vehicle also. Incident happened 12.30pm when My Car was Passing through MP Bhavna Gavli ₹100 Crore SCAM, Balaji Particles Board Karkhana, Washim pic.twitter.com/xTlecR2deF
— Kirit Somaiya (@KiritSomaiya) August 20, 2021
किरीट सोमय्या यांनी काल ट्विट करत उद्या म्हणजे २० ऑगस्ट रोजी शिवसेना खासदार भावना गवळी आणि समूहाचा १०० कोटींचा घोटाळा उघड करण्यासाठी आणि त्याचा पाठपुरवठा करण्यासाठी वाशिमला भेट देत आहे,असे म्हटले होते. त्यानुसार आज ते वाशिम दौऱ्यावर निघाले असताना वाशिम बालाजी पार्टीकल बोर्ड कारखान्याजवळ त्यांच्या गाडीला काळे झेंडे दाखवत दगड फेक आणि शाई फेक करण्यात आली असे किरीट सोमय्या यांनी ट्विट करत म्हटले आहे.
Tomorrow 20 August I am visiting Washim to expose & pursue ₹100 crore scam of ShivSena MP Bhavna Gavli & Group.
उद्या 20 ऑगस्ट मी, शिवसेना खासदार भावना गवळी आणि समूहाचा ₹100 कोटींचा घोटाळा उघड करण्यासाठी आणि त्याचा पाठपुरावा करण्यासाठी वाशिमला भेट देत आहे.@BJP4Maharashtra
— Kirit Somaiya (@KiritSomaiya) August 19, 2021
त्याचप्रमाणे किरीट सोमय्या हे ठरलेल्या नियोजनानुसार सकाळी वाशिमला पोहचल्याचे ट्विट देखील केले होते. सकाळी वाशिमला पोहचलो. शिवसेना खासदार भावना गवळी ग्रुपचे १०० कोटीचे घोटाळे, हायवे कॉन्ट्रॅक्ट अडथळे, प्रायव्हेट कंपन्या, बँका, पोलीस स्टेशला भेट देणार असल्याचे त्यांनी ट्विटमध्ये म्हटले होते.
Reached Akola Washim today morning Will visit MP Bhavna Gavli Group ₹100 Crore Scams,Highway Spots, Pvt Ltd Co, Banks, Police Station
सकाळी अकोला/वाशिमला पोहोचलो खा भावना गवळी ग्रुपचे ₹100 कोटीचे घोटाळे, हायवे कॉन्ट्रॅक्ट अडथळे, प्रायव्हेट कंपन्या, बँक, पोलीस स्टेशन भेट देणार pic.twitter.com/z8FpwXGEcv
— Kirit Somaiya (@KiritSomaiya) August 20, 2021
हेही वाचा – समृद्धी महामार्गावर भीषण अपघात, १२ जणांचा मृत्यू तर ३ जखमी
