शिवसेनाप्रमुख दिवंगत बाळासाहेब ठाकरे यांच्या स्नुषा स्मिता ठाकरे यांनी आज मुख्यमंत्र्यांच्या वर्षा या शासकीय निवासस्थानी येऊन श्री गणरायाचे दर्शन घेतले. यावेळी मुख्यमंत्री एकनाथ शिंदे, खासदार श्रीकांत शिंदे आणि त्यांच्या पत्नी वृषाली शिंदे उपस्थित होत्या. स्मिता ठाकरेंनी बंड केल्यानंतर मुख्यमंत्री एकनाथ शिंदेंची दुसऱ्यांदा भेट घेतली आहे.
वंदनीय हिंदुहृदयसम्राट शिवसेनाप्रमुख बाळासाहेब ठाकरे यांच्या स्नुषा तसेच जयदेव ठाकरे यांच्या पत्नी स्मिता ठाकरे यांनी आज वर्षा या शासकीय निवासस्थानी येऊन विराजमान झालेल्या वरदविनायक श्री गजाननाचे दर्शन घेतले. pic.twitter.com/WHy8f7xjqW
— Eknath Shinde – एकनाथ शिंदे (@mieknathshinde) September 7, 2022
शिवसेनेतील संघर्ष सर्वोच्च न्यायालय तसेच केंद्रीय निवडणूक आयोगाच्या दरवाजापर्यंत पोहोचला आहे. अशा वेळी स्मिता ठाकरे यांनी शिंदे यांची भेट घेतल्याने सर्वांच्याच भुवया उंचावल्या होत्या.
गेली अडीच वर्षांपासून प्रसार माध्यमांपासून दूर असलेल्या स्मिता ठाकरे यांनी सह्याद्री अतिथीगृहामध्ये मुख्यमंत्री एकनाथ शिंदे यांची भेट घेतली. एकनाथ शिंदे यांना पूर्वीपासून ओळखते. त्यांचे कार्य मी पाहिले आहे. ते आता मुख्यमंत्रीपदावर विराजमान झाले असल्याने त्यांना शुभेच्छा द्यायला मी आले असल्याचे स्मिता ठाकरे यांनी प्रसार माध्यमांशी बोलताना स्पष्ट केले होते.
जूनमध्ये विधान परिषदेची निवडणूक झाल्यानंतर शिवसेनेत मोठी फूट पडली आणि राज्यात अल्पमतातील ठाकरे सरकार कोसळले. मुख्यमंत्री एकनाथ शिंदे यांच्या नेतृत्वाखाली ५५ पैकी तब्बल ४० आमदारांनी बंड पुकारल्याने खऱी शिवसेना कोणाची असा वाद निर्माण झाला आहे.
हेही वाचा : मध्यमवर्गीयच रेल्वेला धडा शिकवल्याशिवाय राहणार नाहीत, जितेंद्र आव्हाडांचा
