बारामती – पुरोगामी महाराष्ट्रात काही दिवसांपूर्वी टिकलीवरून वाद निर्माण झाला होता. आधी टिकली लावून ये मगच तुझ्याशी बोलेन अशी प्रतिक्रिया संभाजी भिडे यांनी एका महिला पत्रकाराला दिली होती. यावरून राजकीय नेतेमंडळींनीही संभाजी भिडेंवर आगपाखड केली. त्यात, सुप्रिया सुळेही होत्या. आता त्यांनी त्यापुढे जाऊन पतीच्या पश्चात पारंपरिक जोखडात राहणाऱ्या महिलेच्या कपाळावर कुंकू लावलं आहे. एवढंच नव्हे तर इतर महिलांनाही कुंकू लावण्यास प्रोत्साहन दिलं.
बारामती लोकसभा मतदारसंघातील वरवंड येथील ज्येष्ठ नेते रामदासनाना दिवेकर यांचं काही दिवसांपूर्वी निधन झालं. त्यांच्या कुटुंबीयांचं सात्वंन करण्यासाठी सुप्रिया सुळे गेल्या होत्या. त्यावेळी त्यांनी रामदासनाना दिवेकर यांच्या पत्नीच्या मीनाताईंच्या कपाळावर कुंकू लावलं. तसंच, तिथे उपस्थित असलेल्या महिलांनाही त्यांच्या कपाळावर कुंकू लावण्यास प्रोत्साहन दिलं.
महाराष्ट्रातील जनता नेहमीच प्रागतिक विचारांचा पुरस्कार करते. बारामती लोकसभा मतदारसंघातील वरवंड येथील ज्येष्ठ नेते रामदासनाना दिवेकर यांच्या निधनानंतर आज त्यांच्या पत्नी मीनाताई दिवेकर व कुटुंबियांंची सांत्वन भेट घेतली त्यावेळी मीनाताईंना कुंकु लावले. pic.twitter.com/3uZEHcFlJO
— Supriya Sule (@supriya_sule) December 27, 2022
पतीचं निधन झाल्यानंतर पत्नीने कुंकू लावू नये अशी प्रथा पाळली जाते. या प्रथेला मुठमाती देत सुप्रिया सुळे यांनी याआधीही एका महिलेच्या कपाळी कुंकू लावलं होतं. तेव्हाही त्यांच्या या कृतीचं कौतुक करण्यात आलं होतं. आता पुन्हा त्यांनी मीनाताई दिवेकर यांच्या कपाळावर कुंकू लावून, ‘कुंकू आता छान दिसतंय. रोज कुंकू लावत जा,’ असा सल्ला दिला.
View this post on Instagram
दरम्यान, संभाजी भिडे यांनी टिकलीवरून एका महिला पत्रकाराला रोखलं होतं. तेव्हाही सुप्रिया सुळे यांनी पुरोगामी भूमिका घेतली होती. ‘मी लावतो टिळा, तू लाव टिकली परंपरेच्या बाजारात, अक्कल आम्ही विकली,’ अशी सुप्रिया सुळे यांनी टीका केली होती.
तू आणि मी ….😊
मी लावतो टिळा
तू लाव टिकली
परंपरेच्या बाजारात
अक्कल आम्ही विकलीमी लावतो भस्म
तू लाव कुंकू
गुलामीचा शंख
दोघे मिळून फुंकूतू घाल मंगळसूत्र
मी घालतो माळ
मनूने मारलेली रेषा
मनोभावे पाळतू घाल बांगड्या
माझ्या हातात गंडा
मुकाट्याने ऐक नाहीतर
आमच्या हातात दंडा— Supriya Sule (@supriya_sule) November 3, 2022
