राज्यात करोना व्हायरसचे १० रुग्ण – उद्धव ठाकरे

राज्यात करोनाचे १० पॉझिटिव्ह रूग्ण आढळून आले आहेत, अशी माहिती मुख्यमंत्री उद्धव ठाकरे यांनी बुधवारी घेतलेल्या पत्रकार परिषदेमध्ये दिली. संपूर्ण जगभरात करोना व्हायरस झपाट्याने पसरू लागला आहे. आता त्याचे लक्षणे महाराष्ट्रातही दिसून येत आहेत. प्रत्येक वेळेला कुठेना कुठे करोनाचा रूग्ण आढळून आल्याचे वृत्त समोर येत आहे. त्यामुळे अधिकृत माहिती देण्यासाठी या पत्रकार परिषदेचे आयोजन करण्यात आल्याचेही मुख्यंमत्र्यांनी सांगितले. आजपर्यंत महाराष्ट्रात एकूण १० पॉझिटिव्ह करोना रूग्ण आढळून आले आहेत. त्यांना पॉझिटिव्ह म्हटले तरी तशी लक्षणे दिसून येत नाही. एखादा व्यक्ती करोना पॉझिटिव्ह आला तर घाबरून जाण्यासारखे काही कारण नाही. सुदैवाने राज्यात आढळलेले करोनाच्या रूग्णांमध्ये गंभीर असे लक्षणे आढळून आलेले नाही. १ मार्च रोजी एक ग्रुप परदेशातून आला त्यांच्या संपर्कातून करोना व्हायरस पसरला आहे. यासर्व व्यक्तींशी संपर्क साधला आहे. पुण्यामध्ये आतापर्यंत आठ व्यक्तींना करोनाची बाधा झाली आहे. आठही जण रूग्णालयात दाखल असून त्यांच्यावर उपचार सुरू आहेत. आपले सरकार पूर्णपणे लक्ष ठेवून आहे. नागरिकांनी घाबरून जाण्यासारखे कारण नाही, असे आवाहन मुख्यमंत्र्यांनी केले.

Maharashtra CM Uddhav Thackeray: 10 positive cases of #coronavirus have been found in the state so far, including 8 positive cases in Pune. pic.twitter.com/CeRYwSUqvU

— ANI (@ANI) March 11, 2020

हेही वाचा – Corona Update – करोनाग्रस्तांना मिळणार आता विम्याचे कवच!