पुणे: शरद पवार म्हणाले की, मराठा समाजात दिशाभूल करण्यासाठी करण्यात आलेल्या या प्रकारावर राष्ट्रवादीचे सर्वेसर्वा शरद पवार यांनीच खुलासा केला आहे. माझी जात कोणती आहे हे सर्वांना माहीत आहे. जन्माने जी प्रत्येकाची जात असते ती लपूच शकत नाही, असं पवार म्हणाले. (That quote is true Sharad Pawar said I am concerned about the OBC community)
पवार म्हणाले की, मराठा एज्यूकेशन सोसायटीचं हायस्कूल आहे. तिथे माझं शिक्षण झालं. तो दाखला खरा आहे. त्यातील जात, धर्म वगैरे गोष्टी खऱ्या लिहिल्या आहेत. पण काही लोकांनी दुसरा दाखला फिरवला आणि माझ्या पुढे ओबीसी लिहिलं. मला ओबीसी वर्गाबद्दल आदर आणि आस्था आहे. पण जन्माने जी प्रत्येकाची जात असते ती लपू शकत नाही. सर्व जगाला माहीत आहे माझी जात कोणती आहे. पण जात याविषयावर मी कधी समाजकारण आणि राजकारण केलं नाही. करणार नाही.
मराठवाड्यातून सर्वाधिक लोक आले
दिवाळीनिमित्त दोन दिवसांपासून मी लोकांना भेटत आहे. आज सकाळी 7 वाजल्यापासून भेटी सुरू आहेत. मला भेटायला आलेल्यांमध्ये मराठवाड्यातील लोक अधिक आहेत. पश्चिम महाराष्ट्र, उत्तर महाराष्ट्र, कोकण, विदर्भातील काही जिल्हे, पुणे आदी भागातूनही लोक आले आहेत. त्यांनी पाडव्याच्या शुभेच्छा दिल्या.हा सण देशातील सामान्य लोकांच्यादृष्टीने महत्त्वाचा आहे. त्यामुळे दीपावली आणि नवीन वर्ष सुख समृद्धीचं जावं ही इच्छा आहे, असं त्यांनी सांगितलं.
मराठा आणि धनगर आंदोलनावरही त्यांनी भाष्य केलं. आरक्षणाचा प्रश्न हा राज्य सरकार आणि केंद्राच्या अंतर्गत येतो. काही लोक काल इथे आले होते. खासदार सुप्रिया सुळे यांनी त्यांच्याशी संवाद साधला. त्यांच्याशी चर्चा केली. त्यानंतर ते लोक गेले. आरक्षण मिळावं ही तरुण पिढीची भावना तीव्र आहे. निर्णय घ्यायचा अधिकार राज्य आणि केंद्र सरकारकडे आहे. लोकांच्या या भावना तिथपर्यंत पोहोचवण्याचं काम आमचं आहे आणि आम्ही ते करू, असं पवार म्हणाले.
(हेही वाचा: राज्यातील सरकार ‘XX बगिचा’; राऊतांचा घणाघात, म्हणाले, तुम्ही डुकरासारखं… )
