राज्याचे परिवहन मंत्री ॲड. अनिल परब (Anil Parab) यांच्या अडचणीत वाढ होण्याची शक्यता आहे. पदोन्नतीसाठी लाखो रुपयांच्या वसुली प्रकरणाची चौकशी होणार आहे. राज्यपाल भगतसिंह कोश्यारी यांच्या आदेशानंतर लोकायुक्तांकडून चौकशी केली जाणार आहे. भाजपचे नेते किरीट सोमय्या (Kirit Somaiya) यांनी यासंदर्भात माहिती दिली आहे.
किरीट सोमय्या यांनी राज्यातील परिवहन विभागातंर्गत कार्यरत अधिकारी बजरंग खरमाटे, वर्ध्यातील परिवहन विभाचे उप प्रादेशिक अधिकारी यांनी अनिल परब यांच्या संगनमताने प्रादेशिक परिवहन अधिकाऱ्यांच्या बदल्या, पदस्थापना, प्रतिनियुक्ती, पदोन्नती प्रकरणी लाखो रुपयांची वसुली केल्याचा आरोप केला आहे. किरीट सोमय्या यांनी चार महिन्यांपूर्वी या प्रकरणाची तक्रार केली होती. त्यानंतर राज्यपालांनी लोकायुक्तांना चौकशीचे आदेश दिले आहेत. २ सप्टेंबरला दुपारी १२ वाजता सुनावणी होणार आहे. आरटीओ अधिकारी बजरंग खरमाटे हे अनिल परब यांचे सचिन वाझे आहे. त्याच्या मार्फत २५ लाखांपासून १ कोटींपर्यंतची वसुली केली जात होती, असा आरोप किरीट सोमय्या यांनी केला आहे.
श्री. बजरंग खरमाटे, RTO श्री. अनिल परब, परिवहन मंत्री यांच्या संगनमताने अधिकाज्यांच्या बदल्या…. प्रकरणी केलेल्या भ्रष्टाचाराविरुध्द किरीट सोमैया यांची तक्रार
मा.राज्यपाल यांचे आदेशानुसार मा. लोकायुक्त यांनी सुरु केलेली चौकशी/सुनावणी
दिनांक 2/9/2021 रोजी दुपारी 12 वाजता pic.twitter.com/pcUW680PWL
— Kirit Somaiya (@KiritSomaiya) August 31, 2021
बजरंग खरमाटे यांच्या घरावर ईडीचा छापा
राज्याचे माजी गृहमंत्री अनिल देशमुख भ्रष्टाचार प्रकरणात ईडीने सोमवारी आरटीओ अधिकारी बजरंग खरमाटे यांच्या घरावर छापा टाकला. बजरंग खरमाटे हे परिवहन मंत्री अ‍ॅड. अनिल परब मंत्री असलेल्या आरटीओ विभागात कार्यरत आहेत. खरमाटे यांच्यावर आरटीओ विभागातील बदल्यांमध्ये भ्रष्टाचार केल्याचा आरोप ठेवण्यात आला आहे.
हेही वाचा – Anil Deshmukh Case : अनिल परबांच्या खात्याशी संबंधित आरटीओ अधिकाऱ्याच्या घरावर ईडीचा छापा
