मुंबई : राज्य मंत्रिमंडळाचा विस्तार तब्बल 39 दिवसांनी झाल्यानंतर नव्या 18 मंत्र्यांकडे कोणत्या खात्याची जबाबदारी सोपविण्यात येणार असल्याची उत्सुकता सर्वांना होती. 9 ऑगस्टला शपथविधी झाल्यानंतर चार दिवसांनी राज्य मंत्रिमंडळातील नवनियुक्त मंत्र्यांचे खातेवाटप मुख्यमंत्री एकनाथ शिंदे यांनी जाहीर केले. मुख्यमंत्री एकनाथ शिंदे यांच्याकडे नगरविकास, सामान्य प्रशासन यासह तब्बल बारा खात्यांचा कार्यभार तर, उपमुख्यमंत्री देवेंद्र फडणवीस यांच्याकडे गृह खात्यासह अर्थ आणि गृहनिर्माण, जलसंपदा, ऊर्जा यासारख्या हेवी वेट खात्यांचा कार्यभार आहे. राज्यपाल भगतसिंह कोश्यारी यांनी मंजुरी दिल्यानंतर हे खातेवाटप जाहीर करण्यात आले.
शिंदे – फडणवीस मंत्रिमंडळाचे खातेवाटप पुढीलप्रमाणे :
मुख्यमंत्री एकनाथ शिंदे – सामान्य प्रशासन, नगरविकास, माहिती व तंत्रज्ञान, माहिती व जनसंपर्क, सार्वजनिक बांधकाम (सार्वजनिक प्रकल्प), परिवहन, पणन, सामाजिक न्याय व विशेष सहाय्य, मदत व पुनर्वसन, आपत्ती व्यवस्थापन, मृद व जलसंधारण, पर्यावरण व वातावरणीय बदल, अल्पसंख्याक व औकाफ
उपमुख्यमंत्री देवेंद्र फडणवीस – गृह, वित्त व नियोजन, विधि व न्याय, जलसंपदा व लाभक्षेत्र विकास, गृहनिर्माण, ऊर्जा, राजशिष्टाचार
राधाकृष्ण विखे-पाटील – महसूल, पशुसंवर्धन आणि दुग्धविकास
सुधीर मुनगंटीवार – वने, सांस्कृतिक कार्य, व मत्स्य व्यवसाय
चंद्रकांत पाटील – उच्च व तंत्रशिक्षण, वस्त्रोद्योग आणि संसदीय कार्य
डॉ. विजयकुमार गावित – आदिवासी विकास
गिरीष महाजन – ग्राम विकास आणि पंचायती राज, वैद्यकीय शिक्षण, क्रीडा व युवक कल्याण
गुलाबराव पाटील – पाणीपुरवठा व स्वच्छता
दादा भुसे – बंदरे व खनिकर्म
संजय राठोड – अन्न व औषध प्रशासन
सुरेश खाडे – कामगार
संदीपान भुमरे – रोजगार हमी योजना व फलोत्पादन
उदय सामंत – उद्योग
प्रा. तानाजी सावंत – सार्वजनिक आरोग्य व कुटुंब कल्याण
रवींद्र चव्हाण – सार्वजनिक बांधकाम (सार्वजनिक उपक्रम वगळून), अन्न व नागरी पुरवठा व ग्राहक संरक्षण
अब्दुल सत्तार – कृषी
दीपक केसरकर – शालेय शिक्षण व मराठी भाषा
अतुल सावे – सहकार, इतर मागास व बहुजन कल्याण
शंभूराज देसाई – राज्य उत्पादन शुल्क
मंगलप्रभात लोढा – पर्यटन, कौशल्य विकास व उद्योजकता, महिला व बालविकास
