ठाणे महानगरपालिका क्षेत्रातील उथळसर प्रभाग समिती अंतर्गत जेल जलकुंभाची इनलेट जलवाहिनी ही के-व्हीला नाला येथील पूल प्रकल्पाच्या कामात ५०० मिमी व्यासाची इनलेट जलवाहिनी बाधित होत आहे. त्या बाधित होणाऱ्या जलवाहिनी स्थलांतरीत करण्याच्या कामाला येत्या शनिवारी ६ मे रोजी सुरु होत आहे. त्यामुळे त्या इनलेट जलवाहिनीचे क्रॉस कनेक्शन करण्याच्या काम हाती घेतल्याने सकाळी ९ ते सायंकाळी ९ वाजेपर्यंत असा १२ तास पाणी पुरवठा बंद ठेवण्यात आला आहे.
या शटडाऊन कालावधीत उथळसर प्रभाग समितीमधील जेल जलकुंभ अंतर्गत श्रीरंग सोसायटी परिसर, राबोडी १, राबोडी २, पंचगंगा, आकाशगंगा, के-व्हीला परिसर, पोलीस लाईन, टेंभीनाका, सिव्हील हॉस्पिटल, ठाणे जेल, आरटीओ परिसर, कॅसल मिल, धोबी आळी व उथळसर परिसर इत्यादी भागांचा पाणी पुरवठा पूर्णपणे बंद राहणार आहे. तर पाणी पुरवठा सुरु झाल्यानंतर पुढील १ ते २ दिवस कमी दाबाने पाणी पुरवठा होईल याची नागरीकांनी नोंद घ्यावी.
तर महापालिकेमार्फत या पाणी कपातीच्या कालावधीत पाणी काटकसरीने वापरून सहकार्य करावे, असे आवाहन महापालिकेने ठाणेकर नागरिकांना केले आहे.
हेही वाचा : ४० आमदारांसह वजीर गायब होणारा होता पण… शिंदे गटातील आमदाराची राष्ट्रवादीवर टीका