नोव्हेंबर महिना उलटला तरी अनेक ठिकाणी पावसाने उघडीप दिली नाही. या अवकाळी पावसाची मुसळधार अनेक राज्यात सुरुच आहे. दरम्यान, बुधवारी १ डिसेंबरला २४ तासात राज्यातील काही भागात मुसळधार पावसाचा अंदाज हवामान खात्याने वर्तवला आहे.दरम्यान, लक्षव्दीप मालदीवजवळ चक्रीवादाळाच्या पट्ट्यामुळे कमी दाबाचे क्षेत्र निर्माण होत आहे. या द्रोणीय भागामुळे राज्यातील मध्य महाराष्ट्र आणि कोकणात याचा प्रभाव जाणवणार असल्याची माहिती हवामान विभागाने दिली आहे. याचा फटका मुंबई आणि उपनगरातील काही भागांनाही बसण्याची शक्यता वर्तवण्यात येत आहे.
दक्षिण-पूर्व अरबी समुद्र,मालदीव,लक्षद्वीपवर चक्रिय स्थिती.तेथून पूर्व-मध्य अरबी समुद्रात द्रोणीय स्थिती.येत्या २४ तासात दक्षिण-पूर्व अरबी समुद्र,मालदीव,लक्षद्वीपमध्ये कमी दाबाच्या क्षेत्राची शक्यता
पुढचे ३ दिवस राज्यात मेघगर्जनेसह पावसाची शक्यता
उद्या ओरेंज इशारा उत्तर भागात
IMD pic.twitter.com/uZL83iQa7I— K S Hosalikar (@Hosalikar_KS) November 30, 2021
याशिवाय राज्यातील पालघर, नंदुरबार धुळे या जिल्ह्यात मेघगर्जनेसह मुसळधार पावसाची शक्यता आहे. त्यामुळे काळजी घेण्याचे आवाहन हवामान खात्याने केले आहे. राज्यातील मध्य महाराष्ट्रात काही ठिकाणी मेघगर्जनेसह पाऊस पडण्याची शक्यताही वर्तवण्यात आली आहे. या अवकाळी पावसामुळे अनेक व्यवसायांना याचा मोठ्या प्रमाणात फटका बसला आहे.याशिवाय अनेक ठिकाणी ढगाळ वातावरणामुळे पिकांवर परिणाम होत असल्याचे पाहायला मिळत आहे.