Indo Chinese Chilly Potato recipe : इंडो चायनीज चिल्ली पोटॅटो

Ingredients

• बटाटा - पावकिलो
  
• बारीक चिरलेली कोथिंबीर - आवडीनुसार
  
• बारीक चिरलेल्या हिरव्या मिरच्या - 1 ते 2
  
• आले पेस्ट : 1 लहान चमचा
  
• कॉर्न फ्लोअर - 4 मोठे चमचे
  
• टोमॅटो सॉस - 2 चमचे
  
• सोया सॉस - 1 चमचा
  
• चिली सॉस - 1 चमचा
  
• व्हिनेगर - 1 चमचा
  
• चिली फ्लेक्स - आवडीनुसार
  
• मीठ - अर्धा चमचा
  
• साखर - अर्धा चमचा

Directions

1. बटाटे धुवून , सोलून घ्या आणि त्याचे लांब तुकडे तयार करुन घ्या. कापलेले तुकडे कॉर्नफ्लोअर मध्ये चांगल्याप्रकारे घोळवून घ्या.
2. हे घोळवलेले तुकडे कढईत मध्यम आचेवर सोनेरी रंग येईपर्यंत तळून घ्या.
3. आता एक तवा गरम करा, त्यात 2 टेबलस्पून तेल टाका. तेल गरम झाल्यानंतर यात आले पेस्ट आणि हिरवी मिरची घालून परतून घ्या.
4. आता मंद गॅसवर चिली सॉस, टोमॅटो सॉस, सोया सॉस घालून मिक्स करून घ्या.
5. 1 चमचा कॉर्नफ्लोअर 1/4 कप पाण्यामध्ये घाला. व त्याच्या गुठळ्या होऊ न देता ते चांगले मिक्स करून घ्या.
6. आता हे मिश्रण तव्यावर टाकून सॉससोबत मिक्स करून घ्या. यात मीठ, साखर टाकून 1-2 मिनिटांकरता शिजवून घ्या.
7. यामध्ये तयार केलेली बटाट्याची कापं टाकून परतून घ्या. वरुन चिली फ्लेक्स, व्हिनेगर , कोथिंबीर टाका.
8. अशाप्रकारे चिली पोटॅटो तयार आहे. तुम्हाला आवडत असल्यास तुम्ही यात वरून तीळही टाकू शकता.