सकाळच्या नाश्त्यामध्ये ,मैसूर उत्तपा बनवायला अगदी सोप्पा आहे. मैसूर उत्तपा सकाळच्या नाश्तासाठी बेस्ट ऑप्शन आहे. मैसूर उत्तपा बनवायला लागणारे साहित्य आणि कृती जाणून घेऊया…
साहित्य
- 2 कप तयार डोश्याचं पीठ
- 2 उकडलेले बटाटे
- 1 बारीक चिरलेली हिरवी मिरची
- 4-5 कढीपत्ता
- 1 टीस्पून जीरे
- 1 टीस्पून मोहरी
- 5-6 लसूण पाकळ्या
- 1 टीस्पून जीरे पावडर
- कोथिंबीर
- 1 टीस्पून हळद
- 2 बारीक चिरलेले कांदे
- 1/4 कप किसलेले बीट
नारळाच्या चटणीसाठी साहित्य
- 1 कप किसलेले ओले खोबरे
- 4-5 हिरवी मिरची
- 2 टेबलस्पून पंढरपूरी डाळ
- मीठ चवीनुसार
- अर्धा आल्याचा तुकडा
कृती
- सर्वप्रथम नारळाची चटणी करण्यासाठी, मिक्सरच्या भांड्यात ओले खोबरे,मिरची,आलं,डाळ्या,मीठ घालून पाणी घालून चटणी वाटून घ्या.
- यानंतर उत्तपासाठी बटाट्याची भाजी करता पॅनमध्ये तेल, कडिपत्ता,जीरे,मोहरी,हिंग मिरच्या फोडणी करून त्यात कांदा घालून परतून घ्या.
- हे झाल्यावर त्यात हळद,बटाटे घालून स्मॅश करून घ्या. मग मीठ घालून २ मि.भाजी परतून घ्या. त्यात कोथिंबीर घाला.
- मसाला उत्तपमसाठी,डोसा तवा गरम करून तेलाने ग्रीस करा.
- उत्तपा करताना तव्यावर हलके पाणी शिंपडून डोश्यापेक्षा थोडा जाडसर उत्तपा करून घ्या.
- आता बटाटा भाजी,चिली गार्लिक चटणी,कांदा,किसलेले बीट, कोथिंबीर,मीठ,थोडं लाल तिखट घालून मिश्रण उत्तप्यावर छान पसरून घ्या.
- दोन्ही बाजूने उत्तपा खरपूस छान भाजून घ्या. त्यामुळे उत्तपा कुरकुरीत होईल आणि चवीला चविष्ट लागेल.
