Prepare time: 20 min
Cook: 15-20 min
Ready in: 45 min
Ingredients
- वांगी - 4 ते 5
- चिरलेला कांदा - 1
- सुकं खोबरं - अर्धी वाटी
- पांढरे तीळ -
- लसणाच्या पाकळ्या - 6 ते 7
- आल्याचा तुकडा
- जीरं-मोहरी
- कडीपत्याची पाने
- हिंग
- हळद
- लाल तिखट
- शेंगदाणे
- तेल
- मीठ
Directions
- सर्वात आधी वांगी स्वच्छ धुवून घ्यावीत.
- यानंतर वाग्यांचे देठ न काढता वांग्याचे काप करून घ्यावेत.
- एका भांड्यात पाणी आणि चमचाभर मीठ टाकून वांगी त्यात ठेवावीत.
- भरलेल्या वांग्याचा मसाला तयार करण्यासाठी गॅसवर तवा गरम करण्यास ठेवावा.
- तवा गरम झाल्यास शेंगदाणे भाजून घ्यावेत. भाजलेल्या शेंगदाण्याची मिक्सरमध्ये पूड करून घ्यावी.
- यानंतर तव्यात चमचाभार तेल टाका. त्यात आलं-लसूण, पांढरे तीळ, किसलेलं खोबरं सोनेरी होईपर्यत भाजून घ्यावे.
- मिश्रणात लाल तिखट, हळद, मीठ टाकून सर्व मिश्रण मिक्सरमध्ये बारीक करून घ्यावे.
- तयार मसाला चिरा दिलेल्या वांग्यामध्ये नीट भरून घ्यावी.
- आता पुन्हा एका कढईत गॅसवर तेल तापत ठेवावे. तेल गरम झाले की, जिरं, मोहरी, कडीपत्याची पाने, हिंग टाकावे.
- फोडणीत चिरलेला कांदा गुलाबी गुलाबी होईपर्यत परतून घ्यावा. कांदा गुलाबी झाल्यावर भरली वांगी तेलात वाफेवर शिजवून घ्यावीत.
- सर्वात शेवटी चिरलेली कोथिंबीर टाकण्यास विसरू नये.
- तुमची चमचमीत भरली वांगी गरमागरम भाकरीसोबत सर्व्ह करावीत.
