मुंबईत आज कोरोनाचे १ हजार ४३ नव्या कोरोना रुग्णांची नोंद करण्यात आल्याने कोरोनाबाधितांची संख्या १ लाख २ हजार २६७ वर पोहचली आहे. तर ४१ जणांचा कोरोनामुळे मृत्यू झाल्याने मृतांचा आकडा ५ हजार ७५२ वर पोहचला आहे.
Today 1043 new #COVID19 positive cases, 965 discharges and 41 deaths have been reported in Mumbai today. Total number of cases rise to 1,02,267 including 23865 active cases, 72,650 discharged patients and 5752 deaths: Brihanmumbai Municipal Corporation (BMC) #Maharashtra pic.twitter.com/a6bW4DtWBo
— ANI (@ANI) July 20, 2020
आज दिवसभरात मुंबईमध्ये ९६५ रूग्णांनी कोरोनावर मात केली असून आतापर्यंत मुंबईत ७२ हजार ६५० रूग्णांना रुग्णालयातून डिस्चार्ज देण्यात आला आहे. मुंबईमध्ये आज १ हजार ४३ नवे रुग्ण सापडले असून ४१ जणांचा मृत्यू झाला आहे. मृतांमध्ये ३६ जणांना दीर्घकाळ आजार होते. यामध्ये २७ पुरुष तर १४ महिलांचा समावेश आहे. मृतांमधील ३ जणांचे वय ४० वर्षांखाली आहे. २४ जण हे ६० वर्षांवरील, तर १४ जण हे ४० ते ६० वर्षादरम्यान होते.
मुंबईत कोरोनाचे ८४१ संशयित रुग्ण सापडल्याने मुंबईतील संशयित कोरोना रुग्णांची संख्या ७१ हजार ३५ वर पोहचली आहे, अशी माहिती पालिकेच्या साथरोग नियंत्रण कक्षाकडून देण्यात आली आहे. तर २४ तासांत ९६५ कोरोना रूग्ण बरे झाले असून आतापर्यंत बरे झालेल्या एकूण रुग्णांची संख्या ७२ हजार ६५० इतकी आहे. दिवसेंदिवस बरे होणाऱ्या रुग्णांचा दर हा ७१% आहे. तर सध्या कोरोनाचे एकूण सक्रिय रुग्णांचा आकडा २३ हजार ८६५ आहे.
हेही वाचा – कल्याण- डोंबिवलीत कोरोनाचे थैमान; ४२७ नवे रुग्ण, तर २५५ मृत्यू
