मुंबईमध्ये आज १ हजार २६३ नवे रुग्ण सापडल्याने कोरोनाबाधितांची संख्या ९२ हजार ७२० वर पोहोचली आहे. तर ४४ जणांचा कोरोनामुळे मृत्यू झाल्याने मृतांचा आकडा ५ हजार २८५ वर पोहोचला आहे.
1,263 #COVID19 cases, 1,441 discharged & 44 deaths reported in #Mumbai today. Total number of cases in the city is now at 92,720 including 64,872 recovered, 22,556 active cases & 5,285 deaths: Brihanmumbai Municipal Corporation pic.twitter.com/Ojf6F7KEyX
— ANI (@ANI) July 12, 2020
मृतांमध्ये ३२ जणांना दीर्घकाळ आजार होते. यामध्ये २९ पुरुष तर १५ महिलांचा समावेश आहे. मृतांमधील ४ जणांचे वय ४० वर्षांखाली आहे. ३२ जण हे ६० वर्षांवरील, तर ८ जण हे ४० ते ६० वर्षादरम्यान होते. ४४ मृत्यू हे गत ४८ तासांमधील आहेत.
मुंबईत कोरोनाचे ९४९ संशयित रुग्ण सापडल्याने मुंबईतील संशयित कोरोना रुग्णांची संख्या ६४ हजार ६१६ वर पोहचली आहे. तसेच १ हजार ४४१ रुग्ण बरे झाल्याने त्यांना डिस्चार्ज देण्यात आला आहे. आतापर्यंत मुंबईतून तब्बल ६४ हजार ८७२ जणांना घरी सोडण्यात आले आहे, अशी माहिती पालिकेच्या साथरोग नियंत्रण कक्षाकडून देण्यात आली आहे.