मुंबईत अजूनही कमी होणारी नवी रुग्णसंख्या कायम आहे. गेल्या काही दिवसांपूर्वी मुंबईत नव्या कोरोनाबाधितांची संख्या कमी होताना दिसत आहे. काल, रविवारी मुंबईत ५३६ नवे कोरोनाबाधितांची आढळले होते. आज यामध्ये कमी होऊन गेल्या २४ तासांत मुंबईत ३५६ नवे कोरोनाबाधित आढळले आहेत. तर ५ रुग्णांचा मृत्यू झाला असून ९४९ जण कोरोनामुक्त झाले आहेत. सध्या मुंबईत ५ हजार १३९ रुग्णांवर उपचार सुरू आहेत.
मुंबईत आज आढळलेल्या ३५६ नव्या कोरोनाबाधितांपैकी ३१३ रुग्ण एसिम्प्टोमॅटिक आहेत. तसेच आज दिवसभरात ४० रुग्ण रुग्णालयात दाखल झाले आहेत. आता मुंबईतील एकूण कोरोनाबाधितांची संख्या १० लाख ५१ हजार ७२९वर पोहोचली आहे. आतापर्यंत यापैकी १६ हजार ६६५ जणांचा मृत्यू झाला असून १० लाख २७ हजार ९३ रुग्ण कोरोनामुक्त झाले आहेत.
#CoronavirusUpdates
७ फेब्रुवारी, संध्या. ६:०० वाजता२४ तासात बाधित रुग्ण-३५६
२४ तासात बरे झालेले रुग्ण-९४९
बरे झालेले एकूण रुग्ण-१०२७०९३
बरे झालेल्या रुग्णांचा दर-९८%एकूण सक्रिय रुग्ण-५१३९
दुप्पटीचा दर-७६० दिवस
कोविड वाढीचा दर (३१जानेवारी- ६ फेब्रुवारी)-०.०९%#NaToCorona— माझी Mumbai, आपली BMC (@mybmc) February 7, 2022
आज दिवसभरात १९ हजार ८६३ कोरोना चाचण्या झाल्या असून आतापर्यंत १ कोटी ५५ लाख ७९ हजार २८१ चाचण्या झाल्या आहेत. आज मृत्यू झालेल्या रुग्णांपैकी ४ रुग्णांना काही दीर्घकालीन आजार होते. १ रुग्ण पुरुष आणि ४ रुग्ण महिल्या होत्या. ४ रुग्णांचे वय ६० वर्षावर होते. उर्वरित रुग्ण वय ४० ते ६० वयोगटातील होते. आता मुंबईतील बरे झालेल्या रुग्णांचा दर ९८ टक्के झाला असून रुग्ण दुप्पटीचा दर ७६० दिवस आहे. सध्या मुंबईत १ सक्रिय सीलबंद इमारती आहे.
हेही वाचा – मुंबईतील हवेच्या गुणवत्तेत मोठी घसरण; श्वसनासंबंधित आजार वाढले
