बेस्टने प्रवास करणाऱ्या प्रवाशांसाठी एक आनंदाची बातमी आहे. बृहन्मुंबई विदयुत पुरवठा आणि परिवहन (BEST) उपक्रमाने मुंबईकरासाठी डिजिटल तिकीट अधिक आकर्षक बनवण्यासाठी नवीन सरलीकृत बस पासची घोषणा केली आहे. सुपर सेव्हर प्लॅन्स विद्यार्थी पास, अमर्यादित राइड पास आणि ज्येष्ठ नागरिकांचे पास अपडेट करण्यात आले आहेत. बेस्टची ही नवी योजना शुक्रवार ७ एप्रिलपासून लागू होणार आहे. (BEST Announces New Simplified Bus Pass You can travel by both AC and Non AC buses)
बेस्टची ही नवीन योजना प्रवाशांना साधेपणा आणि लवचिकता देण्यासाठी तयार करण्यात आली असून आता प्रवाशांना एसी आणि साधी बस अशा दोन्ही बसमधून कोणत्याही योजनेसह प्रवास करता येणार आहे. प्रवाशांच्या अभिप्रायाद्वारे बेस्टनेही पुरेसा प्रतिसाद न मिळालेल्या काही योजना बंद केल्या आहेत.
बेस्टचे बस पासमधील नवे बदल
- सुपर सेव्हर प्लॅन्स सर्व नवीन योजना प्रवाशांना एसी आणि साधी अशा दोन्ही बसमधून प्रवास करण्याची परवानगी देण्यात येत आहे. तसेच ६ रुपये भाडे स्लॅबमधील योजना आता स्वस्त झाली असून इतर सर्व भाडे स्लॅबसाठी एसी आणि विना वातानुकूलित योजना साधेपणासाठी एकत्र केल्या आहेत.
- अमर्यादित फेरी पास अधिक प्रवाशांना त्याचा लाभ घेण्यासाठी व प्रोत्साहित करण्यासाठी अमर्यादित फेरी वातानुकूलित पासची फेरी किंमत एका दिवसाच्या पाससाठी ६० रुपयांवरून ५० रुपये आणि ३० दिवसांच्या पासासाठी १,२५० रुपयांवर वरुन ७५० रुपयांपर्यंत कमी केली जाईल.
- विद्यार्थी पास खाजगी शाळा आणि महाविद्यालयीन विद्यार्थ्यांसाठी ३० दिवसांचा एकच साधा विद्यार्थी पास फक्त २०० रुपयांमध्ये ६० फेऱ्यांची सवलत दिली जाईल.
- ज्येष्ठ नागरिक पास ज्येष्ठ नागरिक २८ दिवस आणि त्याहून अधिक कालावधीच्या सर्व सुपर सेव्हर योजनांवर ५० रुपयांच्या सवलतीचे हक्कदार असतील.
- नवीन योजना प्रवाशांना दैनदिन तिकिटे खरेदी करण्याच्या तुलनेत ६० टक्क्यांपर्यंत बचत करण्यास मदत होईल.
बेस्ट चलो अॅपवर या योजनेचा लाभ ‘असा’ घ्या
- ही योजना बेस्ट चलो अँप आणि बेस्ट चलो कार्ड दोन्हीवर खरेदी केल्या जाऊ शकतात.
- फक्त BEST Chalo अँप डाउनलोड करा आणि वर टॅप करा.
- होम स्क्रीनवर बस पास, तुमच्या आवडीची योजना निवडा.
- तुमचा तपशील नमूद करा आणि योजना
- खरेदी करण्यासाठी UPI, डेबिट किंवा क्रेडिट कार्ड, नेट बँकिंग इत्यादीद्वारे ऑनलाइन पेमेंट करा.
- एकदा तुम्ही बसमध्ये चढल्यानंतर ट्रिप सुरु करा.
- बटण दावा प्रमाणीकरणासाठी तिकीट मशीनवर तुमचा फोन टॅप करा.
- यशस्वी प्रमाणीकरण झाल्यावर तुम्हाला अॅपवरच तुमच्या प्रवासाची डिजिटल पावती मिळेल.
- संपूर्ण व्यवहार कॅशलेस आणि पेपरलेस असेल.
बेस्ट चलो कार्डवर कसे खरेदी करावे
वापरकर्त्यांना बेस्ट चलो कार्ड कंडक्टरद्वारे कार्डवर लोड केलेल्या नवीन योजना मिळवू शकतात आणि त्यांच्या बस प्रवासासाठी पैसे देण्यासाठी फक्त टॅप करू शकतात.
४४ लाखांहून अधिक वापरकत्यांनी बेस्ट चलो अँप डाउनलोड केले आहे आणि २५% पेक्षा जास्त बस प्रवासी आता ते दररोज वापरतात, अधिकाधिक मुंबईकरांना डिजिटल तिकिटांच्या सुविधेचा अनुभव घेण्यासाठी प्रोत्साहित करण्यासाठी नवीन योजना आखण्यात आल्याने बेस्टला विश्वास आहे की, या संख्येमध्ये आणखी वाढ होऊ शकते, प्रत्येक डिजिटल फेरी बस प्रवाश्यांना सुलभ व वासमुक्त प्रवास अनुभव देते आणि रोख हाताळणीचा त्रास खर्च आणि कागदी तिकीट खर्च वाचवते.
हेही वाचा – गुडन्यूज! बेस्टच्या ताफ्यात आणखी ६० प्रीमियम बस दाखल
