मुंबईत लॉकडाऊनचे नियम शिथिल केल्यानंतर कोरोनाचे रुग्ण अजूनच वाढत आहेत. मुंबईत आज १ हजार ४६० नव्या रुग्णांची नोंद झाली आहे. यामुळे मुंबईतील कोरोनाबाधितांचा आकडा ७३ हजार ७४७ वर पोहचला आहे. मुंबईमध्ये कोरोनाच्या रुग्णांमध्ये सातत्याने वाढ होत आहे. २ हजार ५८७ रुग्ण आज दिवसभरात बरे होऊन घरी परतले आहेत. त्यामुळे मुंबईत कोरोनातून बऱ्या झालेल्या एकूण रुग्णांची संख्या ४२ हजार ३३१ इतकी झाली आहे. तर २७ हजार १३४ अॅक्टिव्ह रुग्ण आहेत.
Mumbai recorded 1,460 fresh #COVID19 cases and 41 deaths today, taking the total number of cases to 73,747 and death toll to 4,282. Number of active cases in the city stands at 27,134: Greater Mumbai Municipal Corporation pic.twitter.com/mFgADxV13p
— ANI (@ANI) June 27, 2020
गेल्या २४ तासांत प्राप्त झालेल्या सर्व कागदपत्रांपैकी ४१ मृत्यू गेल्या ४८ तासांत झाले होते आणि उर्वरित ६४ मृत्यु अगोदरचे होते, असं महापालिकेने म्हटलं आहे. मृतांमध्ये ८८ जणांना दीर्घकाळ आजार होते. यामध्ये ७२ पुरुष तर ३३ महिलांचा समावेश आहे. मृतांमधील ७ जणांचे वय ४० वर्षांखाली आहे. ६९ जण हे ६० वर्षांवरील, तर ४१ जण हे ४० ते ६० वर्षादरम्यान होते. मुंबईत कोरोनाचे ८८८ संशयित रुग्ण सापडल्याने मुंबईतील संशयित कोरोना रुग्णांची संख्या ५१ हजार २४४ वर पोहचली आहे. तसेच २ हजार ५८७ रुग्णांना घरी सोडण्यात आल्याने आतापर्यंत मुंबईतून तब्बल ४२ हजार ३३१ जणांना घरी सोडण्यात आले आहे, अशी माहिती पालिकेच्या साथरोग नियंत्रण कक्षाकडून देण्यात आली आहे.
