महिला सुरक्षेच्या बाबतीत अनेकदा चर्चा होते. कायदा व सुरक्षाव्यवस्थेचे धिंडवडे काढले जातात. मात्र सामान्य जनतेमध्येच काही नराधम असतात, ज्यांच्यामुळे महिला वारंवार अत्याचाराला बळी पडत असतात. मुलुंड येथे एक किळसवाणा प्रकार समोर आला आहे. मध्यरात्री एक तरूणी एटीएममध्ये पैसे काढायला गेली असता तिथे उपस्थित असलेल्या माथेफिरूने तिला आपले गुप्तांग दाखवले. या प्रकारामुळे सदर तरूणीला धक्काच बसला. मात्र तरिही तिने न घाबरता आरोपीचा व्हिडिओ मोबाईलमध्ये रेकॉर्ड केला. त्यानंतर पोलिसांनी व्हिडिओत अश्लिल हावभाव करणाऱ्या संदिप कुंभारकरला अटक केली आहे.
पीडित महिलेने आपल्या सोशल मीडियावर सदर घटनेचा व्हिडिओ शेअर करत आपली व्यथा मांडली. त्यात ती सांगते “रात्रीचे ३ वाजले होते. रिक्षाचे पैसे देण्यासाठी मी एटीएममध्ये आले. तिथे उपस्थित असलेल्या तरूणाने काही मदत करू का विचारले आणि एटीएममध्येच माझ्याशी लगट करायला लागला. मी त्याला विरोध केला. एटीएममध्ये कॅमेरे असून देखील त्या विक्षिप्त तरूणाने आपले गुप्तांग बाहेर काढले. त्याचा हा प्रकार पोलिसांना दाखवण्यासाठी मी व्हिडिओ रेकॉर्ड केला. मला वाटत होते की राहते तो परिसर सर्वात सुरक्षित आहे. पण माझा समज चुकीचा होता, असे वाटते.”
Update: He has been caught and an FIR has been filed against him. Thank you everyone for such kind words and support. And thank you @MumbaiPolice for taking immediate action. 🙂
I really hope no one ever has to feel unsafe in a place they call home.— ☆SHIBANI☆ (@shibxni) May 12, 2019
पीडित तरुणीची पोस्ट सोशल मीडियावर व्हायरल झाल्यानंतर लोकांनी देखील तिला पाठिंबा द्यायला सुरुवात केली आहे. जेव्हा पोलिसांना याबद्दलची माहिती मिळाली तेव्हा त्यांनी देखील आरोपीचा पाठलाग करून त्याला अटक केली आहे. पोलिसांनी दिलेल्या माहितीनुसार, पीडित तरुणी ही रात्री रिक्षाने तिच्या घराजवळ आली होती. रिक्षाचे भाडे ४५० रुपये झाले होते. मात्र जवळ पैसे नसल्याने तिने एटीएममधून पैसे काढण्याचे ठरवले. एटीएममध्ये एक माणूस आधीपासूनच उपस्थित होता. पीडितेला मदत देण्याच्या बहाण्याने तो तिच्याशी लगट करू लागला. त्यानंतर त्याने तो किळसवाणा प्रकार सुरु करताच पीडितेने व्हिडिओ काढायला सुरुवात केली. त्यानंतर आरोपीने तिथून पळ काढला.
एटीएमच्या बाहेर रात्रीची गस्त घालणाऱ्या पोलिसांना पीडितेने मोबाईलमधील व्हिडिओ दाखवला. पोलिसांनी संबंधित तरूणाचा पाठलाग करून त्याला अटक केली. त्यानंतर सकाळी पीडित तरूणी आणि तिच्या कुटुंबियांनी पोलिस स्टेशन गाठून आरोपीविरोधात तक्रार दाखल केली.