Wednesday, April 14, 2021
27 C
Mumbai
घर ताज्या घडामोडी Mansukh Hiren Murder Case: आरोपी विनायक शिंदे आणि नरेश गोर यांच्या NIA...

Mansukh Hiren Murder Case: आरोपी विनायक शिंदे आणि नरेश गोर यांच्या NIA कोठडीत वाढ

Related Story

- Advertisement -

मनसुख हिरेन हत्या प्रकरणी निलंबित पोलीस कॉन्स्टेबल विनायक शिंदे आणि क्रिकेट बुकी नरेश गोर या दोघांना अटक करण्यात आली होती. आज या दोघांची कोठडी संपल्यामुळे एनआयए (NIA)च्या विशेष कोर्टात हजर करण्यात असता दोघांच्या कोठडीत वाढ करण्यात आली आहे. ७ एप्रिलपर्यंत विनायक शिंदे आणि नरेश गोर यांच्या एनआयए कोठडीत वाढ केली आहे.

२१ विनायक शिंदे आणि नरेश गोर या दोघांना एटीएसच्या पथकाने मनसुख हिरेन हत्याच्या गुन्हयात ठाण्यातून अटक केली होती. मनसुख हिरेन हत्येचा तपास एटीएसकडून एनआयएकडे वर्ग होताच दोघांचा ताबा एनआयए कडे देण्यात आला होता. विनायक शिंदे हा निलंबित पोलीस कॉन्स्टेबल असून त्याला २००७मध्ये झालेल्या लखनभैया कथित चकमक प्रकरणी तुरुंगात जन्मठेपेची शिक्षा भोगत होता. कोरोनाच्या काळात मे महिन्यात त्याला संचित रजा मिळाली होती. त्यानंतर विनायक शिंदे हा सचिन वाझे याच्या संपर्कात आला आणि वाझेच्या बेकायदेशीर कामात त्याला मदत करीत होता.

- Advertisement -

नरेश गोर हा ठाण्यातील क्रिकेट बुकी असून त्याने गुजरात राज्यातून तेथील एका कंपनीच्या नावावर १४ मोबाईल सीम कार्ड मिळवून वाझे च्या सांगण्यावरून विनायक शिंदेला दिले होते.

काय आहे लखनभैय्या एन्काऊंटर प्रकरण?

अंडरवर्ल्ड डॉन छोटा राजनचा साथीदार असल्याच्या संशयावरून कुख्यात गुंड लखनभैयासह त्याचा साथीदार अनिल भेडा या दोघांना नोव्हेंबर २००६ मध्ये प्रदीप शर्मा यांच्या पथकाने वाशी येथून उचलले होते. त्यानंतर वर्सोवा येथील नाना-नानी पार्कजवळ लखनभैयाचा एन्काऊंटर करण्यात आला होता. या घटनेनंतर लखनभैयाच्या भावाने मुंबई उच्च न्यायालयात धाव घेतली होती. याप्रकरणी सत्र न्यायालयाने या प्रकरणाची गंभीर दखल घेऊन न्यायालयाने दंडाधिकारी चौकशीचे आदेश दिले होते. दंडाधिकारी चौकशीत लखनभैयावर अत्यंत जवळून मारण्याच्या हेतूनेच गोळीबार झाल्याचे उघड झाले होते.

- Advertisement -

त्यानंतर २००९ साली न्यायालयाने एसआयटी स्थापन करून चौकशीचे आदेश दिले होते. एसआयटीने तात्काळ कारवाई करून २०१० मध्ये प्रदीप शर्मा, प्रदीप सुर्यवंशी यांच्यासह १४ पोलिसांना अटक केली. लखनभैयाची हत्या जनार्दन भणगे या त्याच्याच साथीदाराने सुपारी देऊन घडवून आणल्याचे एसआयटीच्या चौकशीतनंतर उघड झाले. लखनभैयाच्या हत्येचा प्रमुख साक्षीदार असलेला अनिल भेडा न्यायालयात साक्ष देण्याआधी अचानक बेपत्ता झाला. महिन्याभरानंतर त्याचा मृतदेह सापडल्याने प्रकरणाचा पेच आणखीच वाढला होता. १२ जुलै २०१३ रोजी याप्रकरणातून वरिष्ठ अधिकारी प्रदीप शर्मा यांची निर्दोष मुक्तता करताना सहा अधिकारी आणि सात अंमलदारांसह २१ जणांना न्यायालयाने दोषी धरले होते. यामध्ये विनायक शिंदे याचाही समावेश होता.


हेही वाचा – मनसुख हिरेन हत्येप्रकरणी क्राईम ब्रँचच्या अधिकाऱ्याला समन्स


 

- Advertisement -