मुंबईतील आज नव्या कोरोनाबाधितांच्या संख्येत आणि मृत्यूच्या संख्येत घट झाली आहे. पण कोरोना बरे होण्याचे प्रमाण कमी झाले आहे. काल, सोमवारी मुंबईत ४८९ नव्या कोरोनाबाधित रुग्णांची वाढ झाली असून १० जणांचा मृत्यूची नोंद झाली होती. तर ६४५ जण कोरोना रुग्ण बरे झाले होते. आज मुंबईत २४ तासांत ४५३ नवे कोरोनाबाधित आढळले असून १० जणांच्या मृत्यूची नोंद झाली आहे. तर ४८२ रुग्ण कोरोनामुक्त झाले आहे.
मुंबईतील एकूण कोरोनाबाधितांची संख्या ७ लाख २५ हजार ६२०वर पोहोचली आहे. यापैकी आतापर्यंत १५ हजार ५६४ जणांचा मृत्यू झाला असून ६ लाख ९९ हजार ८२३ रुग्ण कोरोनामुक्त झाले आहेत. सध्या मुंबईत ७ हजार ९०८ रुग्णांवर उपचार सुरू आहेत.
#CoronavirusUpdates
6th July, 6:00pm#NaToCorona pic.twitter.com/SXQyEw4Sst— माझी Mumbai, आपली BMC (@mybmc) July 6, 2021
आज दिवसभरात मुंबईत ३० हजार ५५४ कोरोनाच्या चाचण्या झाल्या होत्या. आतापर्यंत ७३ लाख ५३ हजार ७३७ नमुन्यांच्या चाचण्या झाल्या आहेत. मुंबईत आज मृत्यू झालेल्या रुग्णांपैकी ४ रुग्णांना काही दीर्घकालीन आजार होते. ६ रुग्ण पुरुष आणि ४ रुग्ण महिला होत्या. ४ रुग्णांचे वय ४० वर्षाखाली होते. ६ रुग्णांचे वय ६० वर्षावर होते.
मुंबईत बरे झालेल्या रुग्णांचे प्रमाण ९६ टक्के झाले असून १९ जून ते ५ जुलै २०२१ पर्यंत एकूण कोरोना वाढीचा दर ०.०८ टक्के इतका झाला आहे. मुंबईतील दुप्पटीचा दर आता ८२२ दिवसावर पोहोचला आहे. सध्या मुंबईत १३ सक्रिय कंटेनमेंट झोन आहेत. तर सक्रिय सीलबंदी इमारती ७४ आहेत.
हेही वाचा – मुंबई अग्निशमन दलात स्वच्छतेसाठी खासगी यंत्रणा; ९३ लाखांचा खर्च