मुंबईत कोरोना रुग्णांची संख्या कमी जास्त होताना दिसत आहे. काल मुंबईची रुग्णसंख्या १० हजारांच्या उंबरठ्यावर पोहचली होती. मात्र आज रुग्णसंख्या कमी झाली आहे. मुंबईत आज ८ हजार २१७ नव्या कोरोना रुग्णांची नोंद करण्यात आली आहे. त्यामुळे आता पर्यंत मुंबईत नोंद करण्यात आलेल्या रुग्णांची संख्या ५ लाख ५३ हजार १५९ इतकी झाली आहे. दिलासादायक बाब म्हणजे मुंबईत रुग्णसंख्या वाढत असली तरी रुग्ण बरे होण्याचे प्रमाणही दिवसेंदिवस वाढत आहे. आज मुंबईत १० हजार ९७ रुग्ण बरे होऊन घरी परतले आहेत. त्याचप्रमाणे आज ४९ जण कोरोनामुळे दगावले आहेत. गेल्या २४ तासात मुंबईमध्ये ४५ हजार ४८६ इतक्या कोरोना चाचण्या करण्यात आल्या आहेत.
#CoronavirusUpdates
१५ एप्रिल, संध्या. ६:०० वाजता#कोरोना_ला_ना #NaToCorona pic.twitter.com/juoeSVWlbZ— माझी Mumbai, आपली BMC (@mybmc) April 15, 2021
मुंबईत कोरोना रुग्ण बरे होण्याचा दर हा ८२ टक्के इतका आहे. त्याचप्रमाणे ८ एप्रिल ते १४ एप्रिल पर्यंतचा मुंबईचा विचार केला असता मुंबईत कोरोना रुग्ण वाढीचा हा १.६४ टक्के इतका आहे. त्याचप्रमाणे मुंबईत सध्या ९५ सक्रिय कंटेनमेंट झोन आहेत. तर १ हजार १०० सक्रिय सीलबंद इमारती आहेत. मुंबईत आतापर्यंत १२ हजार १८९ जणांचा कोरोनामुळे मृत्यू झाला आहे. तर आतापर्यंत मुंबईत ४८ लाख १ हजार २१९ कोरोना चाचण्या करण्यात आल्या आहेत.
#CoronavirusUpdates
15-Apr, 6:00pm#NaToCorona pic.twitter.com/vNpvtuzTje— माझी Mumbai, आपली BMC (@mybmc) April 15, 2021
वैध कारणांसाठीच करता येणार लोकलने प्रवास
मुंबईसह राज्यात १५ दिवसांचे कडक निर्बंध घालण्यात आले आहेत. मुंबईत करण्यात आलेल्या लॉकडाऊनचा आजचा दुसरा दिवस होता. लागू करण्यात आलेल्या कडक निर्बंधात केवळ अत्याश्यक गरजांसाठीच घराबाहेर पडण्याची मुभा देण्यात आली आहे. मुंबईकरांसाठी वाहतूक सेवा सुरु ठेवण्यात आली आहे. मात्र वैध कारण असल्यासच मुंबईकरांना लोकल आणि इतर वाहनानांनी प्रवास करता येणार आहे.
हेही वाचा – Maharashtra Corona Update: राज्यात कोरोनाचा कहर कायम! पुन्हा ६० हजारांहून अधिक नव्या रुग्णांची नोंद
