कोरोना महामारीनंतर मुंबईत तब्बल दोन वर्षांनी टाटा मॅरेथॉन स्पर्धेचं आयोजन करण्यात आलं आहे. आज पहाटे 5 वाजून 15 मिनिटांनी या स्पर्धेला सुरुवात झाली आहे. या मॅरेथॉन स्पर्धेसाठी राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यासह अनेक सेलिब्रिटींनी देखील उपस्थिती दर्शवली. या मॅरेथॉन स्पर्धेत मुंबईकरांनी मोठा सहभाग घेतल्याचे पाहायला मिळत आहे. सुमारे 55,000 स्पर्धक टाटा मॅरेथॉनमध्ये सहभागी झाले आहेत.
#WATCH | Maharashtra: TATA Mumbai Marathon begins from Chhatrapati Shivaji Maharaj Terminus, in Mumbai (CSMT) pic.twitter.com/PbvNjQr9jx
— ANI (@ANI) January 15, 2023
ढोल ताशांच्या गजरात मॅरेथॉनमध्ये सहभागी स्पर्धकांचे स्वागत करण्यात आले. यावेळी कडाक्याच्या थंडीतही स्पर्धकांमध्ये एक वेगळाच उत्साह पाहायला मिळाला.
The josh at #TMM2023 = 🔥#HarDilMumbai pic.twitter.com/wagLpHWBtl
— Tata Mumbai Marathon (@TataMumMarathon) January 15, 2023
या मॅरेथॉन स्पर्धेला पोहचण्यासाठी रेल्वे प्रशासनाने आज पहाटे 3.45 वाजता बोरिवलीहून विशेष लोकल सोडली होती.
The magic begins! 💥🔥
We are 🆙 and running. ⚡️#HarDilMumbai #TMM2023 pic.twitter.com/Qh8E5zeoGz
— Tata Mumbai Marathon (@TataMumMarathon) January 15, 2023
हाफ मॅरेथॉनला मुंबई भाजप अध्यक्ष आशिष शेलार यांनी हिरवा झेंडा दाखवला. दरम्यान हाफ मॅरेथॉनच्या महिला विजेत्या (21 कि.मी) जाहीर झाले आहेत. यात पारूल चौधरी हिने पहिला क्रमांक पटकावला आहे. तर नंदिनी गुप्ता हिने दुसरा आणि पुनम सोनावणे तिसरी आली आहे. हाफ मॅरेथॉनच्या पुरुष विजेत्यांमध्ये मुरली गावित याने पहिला क्रमांक पटकावला आहे. तर अंकित देसवाल दुसरा आणि दिपक कुंभार तिसरा क्रमांकाने जिंकला आहे. टाटा समूहाकडून आयोजित मुंबई मॅरेथॉनमध्ये माहीम इथे हाफ मॅरेथॉन पोलीस कपमध्ये 14 हजार मुंबईकर सहभागी झाले आहेत.
दरम्यान मुंबई महापालिका आणि मुंबई पोलिस तसेच आयोजकांनी जागोजागी लोकांसाठी पाण्याची सुविधा आणि मेडिकल सुविधा उपलब्ध करुन दिली आहे. यासह स्पर्धेत कोणताही अडथळा येऊ नये म्हणून मुंबईतील काही मार्गावरील वाहतूक व्यवस्थेत बदल करण्यात आला आहे. संबंधित मार्गावरील वाहतूक पर्यायी मार्गांवर वळवण्यात आली आहे. आज पहाटे तीन ते 1 वाजून 15 मिनीटांपर्यंत वाहतुकीत हे बदल करण्यात आले आहेत.
In order to provide free way for runners of #TataMumbaiMarathon, traffic on the Marathon route is diverted on 15/01/2023 between 03:00 hrs to 13:15 hrs by making alternate arrangements of traffic as follows.#MumbaiTrafficUpdates
1/2 pic.twitter.com/C8t7TBkBeX— Mumbai Traffic Police (@MTPHereToHelp) January 13, 2023
