फेसबुकची मालकी असलेले इन्स्टंट मेसेजिंग अँप व्हाट्सएप आपल्या ग्राहकांसाठी नवीन फीचर्स आणत आहे. या भागामध्ये आता व्हॉट्सअँप आपल्या वापरकर्त्यांसाठी अनेक नवीन वैशिष्ट्ये आणण्याची तयारी करत आहे. त्यापैकी सर्वात खास म्हणजे व्हाट्सएप ‘क्यूआर कोड’. व्हॉट्सअँपने सध्या आयओएस वापरकर्त्यांसाठी हे वैशिष्ट्य जाहीर केले आहे आणि सध्या ते अँड्रॉइड बीटा वापरकर्त्यांसाठी उपलब्ध असेल. हे फिचर खूप उपयुक्त आहे आणि मित्रांना कनेक्ट करण्यास खूप फायदेशीर ठरेल. व्हॉट्सअँप यूजर्स व्हॉट्सअ‍ॅप क्यूआर कोड स्कॅनरच्या माध्यमातून नवीन लोकांना मेसेजिंग अँपवर सहज कनेक्ट करू शकतील. व्हॉट्सअ‍ॅपच्या बीटा व्हर्जनवरही त्याची चाचणी सुरू झाली आहे. इतकेच नव्हे तर कंपनी थेट फेसबुक आणि इंस्टाग्रामवर व्हॉट्सअ‍ॅप स्टेटस अपडेट करणार्‍या फिचरवरही काम करत आहे. हे नवीन फिचर लवकरच व्हॉट्सअ‍ॅप वापरकर्त्यांसाठी उपलब्ध होणार आहेत.
असे काम करेल
व्हॉट्सअ‍ॅप क्यूआर कोड फिचरद्वारे उपभोक्ता कोणतीही नंबर टाइप न करता सेव्ह करू शकतो. आपण यासह नंबर शेअर करू शकता. या वैशिष्ट्यामध्ये, ग्राहकांना फक्त कोड स्कॅन करावा लागेल आणि त्यानंतर हा नंबर आपोआप सेव्ह होईल. व्हॉट्सअ‍ॅपचे हे फिचर सेटिंग्जमध्ये दिसून येईल. सध्या हे फिचर टेस्टिंगसाठी व्हाट्सएप बीटाच्या अँड्रॉइड व्हर्जन २.२०.१७१ वर उपलब्ध आहे. हे अद्याप सार्वजनिक केले गेले नाही. मिळालेल्या माहितीनुसार, चाचणी यशस्वी झाल्यानंतर फिचर सार्वजनिक केले जाईल.
रॅकिंग कॉन्टॅक्ट
व्हॉट्सअ‍ॅपवर रँकिंग कॉन्टॅक्ट फीचर देखील जोडले जाईल. यात आपण ज्याशी अधिक बोलता त्यास चिन्हांकित करून आपण त्यास शीर्षस्थानी ठेवू शकता. यासह व्हॉट्सअ‍ॅप एक फीचर आणणार आहे; ज्याअंतर्गत वापरकर्ते फेसबुक आणि इन्स्टाग्रामवर व्हॉट्सअ‍ॅप स्टेटस अपडेट्सही शेअर करू शकतील. व्हॉट्सअ‍ॅपच्या बीटा व्हर्जनवर टेस्टिंगसाठीही हे फिचर उपलब्ध आहे.
