मंत्रालयामध्ये पुन्हा एकदा आत्महत्येचा प्रयत्न करण्यात आल्याचं समोर आलं आहे. एका तरुणीने हा प्रयत्न केला असून मंत्रालयाच्या चौथ्या मजल्यावरून या तरुणीने उडी मारली. मात्र, मंत्रालयात मधल्या जागेमध्ये बसवण्यात आलेल्या संरक्षक जाळ्यांमुळे या तरुणीचा जीव वाचला आहे. प्रियंका गुप्ता असं या तरुणीचं नाव असून तिच्या नवऱ्याविरोधात एका प्रकरणामध्ये भादंवि ३५३ नुसार गुन्हा दाखल करण्यात आला असल्यामुळे त्याचा विरोध करण्यासाठी तिने हे पाऊल उचलल्याचं सांगितलं जात आहे. सदर तरुणी उल्हासनगर येथे राहणारी असून तिला पुढील उपचारांसाठी सेंट जॉर्ज रुग्णालयात दाखल करण्यात आले आहे. दुपारच्या सुमारास ही घटना घडली. या तरुणीने उडी मारल्यानंतर लागलीच पोलिसांनी तिला वाचवण्यासाठी प्रयत्न सुरू केले. त्यासाठी दोन कर्मचाऱ्यांनी देखील या जाळीवर उडी घेत या तरुणीला बाहेर काढलं.
मंत्रालयात पुन्हा एकदा आत्महत्येचा प्रयत्न
मंत्रालयाच्या संरक्षण जाळीवर महिलेची उडी | उल्हासनगर येथील महिलेची तिसऱ्या मजल्यावरुन उडी
आपलं महानगर – My Mahanagar ಅವರಿಂದ ಈ ದಿನದಂದು ಪೋಸ್ಟ್ ಮಾಡಲಾಗಿದೆ ಶುಕ್ರವಾರ, ಡಿಸೆಂಬರ್ 13, 2019