नवरात्रीच्या उपवासामधे काही लोकांना शिरा चालतो आणि काही नाही. त्यामुळे आज आपण उपवासाला चालणार भगरीचा शिरा कसा तयार करतात हे पाहणार आहोत.
साहित्य :
- 1 वाटी भगरीच पीठ
- 1 वाटी पिठी साखर
- वेलची पुट
- 1/2 वाटी खोबऱ्याचा किस
- ड्रायफ्रूट्स
- 1 वाटी दूध
- साजूक तूप
कृती :
- एका कढईत 2 ते 3 चमचे साजूक तूप घाला. त्यानंतर तूप वितळल्यानंतर त्यामध्ये भगरीचे पीठ घालायचं.
- गॅस मध्यम आचेवर ठेवून लालसर होईपर्यंत भगर तूपामध्ये भाजा. भगरीचं पीठ व्यवस्थित भाजल्यानंतर भगर तूप सोडू लागतं आणि पीठाला जाळी येते.
- त्यामुळे यानंतर या मिश्रणात 1 वाटी दूध घालून मिश्रण एकजीव करा.
- त्यामध्ये 1 वाटी पिठी साखर आणि दीड चमचा वेलची पावडर घाला.
- पुन्हा हे मिश्रण एकजीव करुन घ्या. एकजीव झाल्यानंतर 1 ते 2 वेळा झाकण ठेवून वाफवा.
- त्यानंतर ड्रायफ्रूड मिश्रणावर टाकून भगरीचा शिरा सर्व्ह करा.