आजचा रंग पिवळा: पाहा काय आहे पिवळ्या रंगाचं महत्त्व!

नवरात्रीत देवी जगदंबेची आराधना केली जाते. नवरात्रीच्या नऊ दिवसांत देवीची पूजा करण्यासाठी भारतीय शास्त्रांमध्ये वेगवेगळ्या ९ रंगांचा वापर केला जातो. देवीच्या ९ अवतारांप्रमाणेच या ९ रंगाचे देखील खूप महत्त्व आहे.पण नक्की हे ९ रंग का वापरले जातात? त्यांचं काय महत्त्व आहे? त्यांच्यामागे काय शास्त्र आहे? हे सहसा कुणाला माहीत नसलेलं आढळून येतं. ‘माय महानगर’च्या या उपक्रमामध्ये नवरात्रीमधल्या ९ रंगांचं हेच महत्त्व आम्ही तुम्हाला सांगणार आहोत. बुधवारी म्हणजेच घटस्थापनेच्या दिवशी निळ्या रंगाचं महत्त्व जसं आपण पाहिलं तसंच आजच्या पिवळ्या रंगाचंही महत्त्व आम्ही तुम्हाला या सदरात सांगणार आहोत. तसेच, आपल्यापैकी अनेकांनी पिवळ्या रंगाची वेशभूषा करून काढलेले फोटोही तुम्हाला याच सेक्शनमध्ये पाहायला मिळतील!

नवरात्रीच्या दुसऱ्या दिवशी ब्रम्हचारिणी देवी स्वरुपाची पूजा केली जाते. बह्मचारिणी देवीची पूजा आणि साधना केल्याने कुंडलिनी शक्ती जागृत होते. पिवळा रंग ऊर्जेचा वाहक आहे. हा रंग आपल्याला उष्णतेची जाणीव करून देतो. ज्या लोकांना पिवळा रंग आकर्षित करतो त्यांना समजदार आणि जिज्ञासू वृत्तीने संपन्न व्यक्ती मानले जाते.