Tuesday, June 22, 2021
27 C
Mumbai
my-mahanagar-most-viewed-video
घर पालघर कोरोनाबाधित महिलांची यशस्वी प्रसूती

कोरोनाबाधित महिलांची यशस्वी प्रसूती

वसई विरार शहर महापालिकेने जुचंद्र, नायगाव येथे कोरोनामुळे त्रस्त गर्भवती महिलांसाठी एक विशेष केंद्र सुरू केले असून दीड महिन्यात कोरोनामुळे त्रस्त १३३ गर्भवती महिलांना या केंद्रात दाखल करण्यात आले आहे.

Related Story

- Advertisement -

वसई विरार शहर महापालिकेने जुचंद्र, नायगाव येथे कोरोनामुळे त्रस्त गर्भवती महिलांसाठी एक विशेष केंद्र सुरू केले असून दीड महिन्यात कोरोनामुळे त्रस्त १३३ गर्भवती महिलांना या केंद्रात दाखल करण्यात आले आहे. यापैकी ३६ गर्भवती महिलांनी बाळांना सुरक्षितपणे जन्म दिला आणि ११६ महिलांनी कोरोनाला पराभूत केले आहे. कोरोनासारख्या महामारीच्या काळात अनेकांना आपले प्राण गमावावे लागले असतानाच गर्भवती महिला आणि होणारे बाळ कसे सुखरूप या जगात येईल यासाठी घरातले देव पाण्यात ठेऊन असतानाच या गर्भवती महिलांसाठी वसई विरार महापालिकेचे डॉक्टर आणि कर्मचारी मात्र धावून आले आहेत.

कोरोनामुळे त्रस्त गर्भवती महिलांच्या यशस्वी प्रसूती करण्याचे आव्हान डॉक्टर आणि कर्मचाऱ्यांवर होते. परंतू, आमच्या कर्मचाऱ्यांनी या महिलांवर अत्यंत कार्यक्षमतेने उपचार केले आणि त्यांची सुरक्षितपणे प्रसूती केली.
– डॉ. सुरेखा वाळके, आरोग्य अधिकारी

- Advertisement -

महापालिकेच्या या केंद्रात खासगी डॉक्टरांनी नोंदणी करूनही नाकारलेल्या गर्भवती महिलांची मोफत प्रसूती करण्यात आली. मार्चमध्ये दररोज सरासरी ८०० रूग्ण दिसले. गर्भवती महिलांनाही कोरोनव्हायरसची लागण झाली. ज्या खासगी रुग्णालयात तिची नोंद करण्यात आली होती तेथील डॉक्टरांनी कोरोनाबाधित असल्याने मुलाला जन्म देण्यास नकार दिला होता. अशा गर्भवती महिलांच्या मदतीसाठी महापालिका पुढे आली. महापालिकेच्या मुख्य वैद्यकीय आरोग्य अधिकारी सुरेखा वाळके यांच्या मार्गदर्शनाखाली, जूचंद्र माता बालसंगोपन केंद्र प्रमुख डॉ. विजय पाडेकर यांच्या नेतृत्वात, कोरोना संकटात डॉक्टर आणि कर्मचारी यांनी आपली जबाबदारी चोखपणे बजावताना गर्भवती महिलांना दिलासा देऊन त्यांची व्यवस्थितरित्या सुटका केली आहे.

एप्रिल महिन्यात महापालिकेने जुचंद्र येथील माता बाल संगोपन केंद्र विशेषत: पीडित गर्भवती महिलांसाठी आरक्षित केले होते. कोरोना आजार झालेल्या गर्भवती महिलांना येथे दाखल केले जाते आणि त्यांच्या मुलास जन्म दिला जातो. १४ एप्रिलपासून कोरोना-प्रभावित १३३ गर्भवती महिलांना उपचारासाठी केंद्रात दाखल केले. यापैकी ३६ गर्भवती महिलांची प्रसूती झाली. यापैकी २० महिलांची प्रसूती सामान्य तर १६ महिलांना सिझेरियन प्रसूती झाली. तेथील डॉक्टर आणि कर्मचाऱ्यांना त्या महिलेची कोरोना ट्रिटमेंट आणि ड्राई फॉर्म डिलीव्हरी करण्याचे काम करावे लागले.

हेही वाचा –

- Advertisement -

कोरोनाबाधित महिलेच्या हृदयातून काढली ७ सेंटीमीटरची गाठ

- Advertisement -