वसईः वसईकरांना आता विविध ५१ प्रकारचे दाखले, परवाने आता ऑनलाईन पद्धतीने मिळणार आहेत. त्यासाठी वसई विरार महापालिकेने सेवा हमी कायदा संगणक प्रणाली विकसित करण्य़ात आली असून विहित मुदतीत दाखले आणि परवाने उपलब्ध करून दिले जाणार आहेत. त्यामुळे वसईकरांना महापालिकेत हेलपाटे मारावे लागणार नाहीत.जन्म-मृत्यू दाखला, विवाह नोंदणी प्रमाणपत्रे, नळजोडणी, अग्निशमन परवाना, व्यवसाय परवाना यासह विविध दाखल्यांसाठी नागरीकांना महापालिकेत हेलपाटे मारावे लागतात. वेळेत दाखला, परवाना मिळत नसल्याने नागरीकांची गैरसोय होत होती, वेळही वाया जात होता. त्यामुळे भ्रष्टाचाराला वाव होता. म्हणूनच महापालिकेने सेवा हमी कायदा संगणक प्रणाली विकसित केली असून आता ऑनलाईन पध्दतीने दाखले तेही वेळेत उपलब्ध होणार आहेत.
सदर सेवांचा ऑनलाईन पद्धतीने लाभ घेणेकरता https://rtsvvmc.in/
०००
ऑनलाईन सेवा आणि कालावधी …
० जन्म-मृत्यू प्रमाणपत्र (तीन दिवस)
० विवाह नोंदणी प्रमाणपत्र (३६ कामकाज दिवस)
० नवीन नळजोडणी (१५ कामकाज दिवस)
० नळजोडणी आकारात बदल करणे (१५ दिवस)
० नळजोडणी तात्पुरती/कायमस्वरुपी खंडित करणे (सात दिवस)
० पाणीपुरवठा देयक तयार करणे (तीन दिवस)
० प्लंबर परवाना (१५ दिवस)
० प्लंबर परवाना नुतनीकरण करणे (१५ दिवस)
० थकबाकी नसल्याचा दाखला (१५ दिवस)
० सदोष मिटरची तक्रार (सात दिवस)
० अग्निशमन ना हरकत दाखला ( सात दिवस)
० नवीन परवाना व नुतनीकरण (३० दिवस)
० मालकी आकारात बदल करणे (सात दिवस)
० नवीन मालमत्ता कर नोंदणी ( १५ दिवस)
० झोन दाखला (सात दिवस)
० रस्ता खोदाई परवानगी ( ३० दिवस)