चकचकीत स्थानके, फुलांची आरास; मुंबईकरांचा नव्या मेट्रोसेवेला तुफान प्रतिसाद

मुंबई – पंतप्रधान नरेंद्र मोदी यांनी मेट्रो मार्गिका २ ए आणि ७ सेवेचे काल लोकार्पण केले. आज सायंकाळपासून या दोन्ही मार्गिका प्रवाशांसाठी खुल्या करण्यात आल्या. पहिल्याच दिवशी मुंबईकरांनी तुफान प्रतिसाद दिला आहे. या मार्गिकेमुळे मुंबईकरांचा बराचसा वेळ वाचणार आहे. त्यामुळे मेट्रो बसलेले प्रवासी निवांत दिसले. त्यातच, स्वच्छ चकचकीत मेट्रो स्थानके, वातानुकूलित यंत्रणा, फुलांची आरास यामुळे मुंबईकरांच्या चेहऱ्यावर आनंद दिसत होता. येत्या काळात इतर मेट्रो मार्गिकांप्रमाणेच या मार्गिकांवरही नियमित गर्दी वाढेल असाही विश्वास मुंबईकरांनी यावेळी व्यक्त केला.

(सर्व फोटो – दीपक साळवी)