मुंबई : दादरच्या शिवाजी पार्कमध्ये दरवर्षी महाराष्ट्र नवनिर्माण सेनेकडून दीपोत्सवाचे आयोजन केले जाते. यानिमित्त संपूर्ण शिवाजी पार्क रोषणाईने झगमगाट असते. सोमवार, वसुबारसेच्या दिवशी या दीपोत्सवाचे उद्घाटन करण्यात आले. यंदा या कार्यक्रमात सिंघम अगेनचे कलाकार देखील सहभागी झाले होते. (सर्व छायाचित्र – दीपक साळवी)
या दीपोत्सवाच्या निमित्ताने सिंघम अगेनचे कलाकार अजय देवगण, टायगर श्रॉफ, अर्जुन कपूर आणि दिग्दर्शक रोहित शेट्टी यांचा मनसे अध्यक्ष राज ठाकरे यांच्याकडून सत्कार करण्यात आला.
त्यापूर्वी हे कलाकार राज ठाकरे यांच्या घरी देखील गेले होते. तिथेही त्यांचा योग्य तो पाहुणचार करण्यात आला.
राज ठाकरे यांनी या चित्रपटाला शुभेच्छा दिल्या. शिवाजी पार्कमधील या मराठमोळ्या वातावरणात रोहित शेट्टीच्या चित्रपटातील कलाकारांनी यावे अशी माझी इच्छा होती.
मनसेच्या या दीपोत्सव कार्यक्रमाला आणि आपल्या लाडक्या कलाकारांना बघण्यासाठी बरीच गर्दी जमा झाली होती.
राज ठाकरे यांचा नातू देखील या झगमगाटात छान रमला होता.
