मुंबई : काल (ता. 24 ऑक्टोबर) अनेक बड्या नेत्यांनी आपला उमेदवारी अर्ज दाखल केला. यावेळी अनेक उमेदवारांनी आपले शक्ती प्रदर्शन करत उमेदवारी अर्ज दाखल केले होते. त्यानंतर आजही अनेक बड्या नेत्यांनी शक्ती प्रदर्शन करत आपले उमेदवारी अर्ज दाखल केले आहेत. यामध्ये उपमुख्यमंत्री देवेंद्र फडणवीस यांचाही समावेश आहे. (Photo Story Deputy CM Devendra Fadanvis filled application form maharashtra assembly election 2024)
- Advertisement -
भाजप नेते आणि उपमुख्यमंत्री देवेंद्र फडणवीस यांनी आज आपला उमेदवारी अर्ज दाखल केला. यावेळी त्यांच्यासोबत केंद्रीय मंत्री नितीन गडकरी, तसेच भाजप प्रदेशाध्यक्ष चंद्रशेखर बावनकुळेदेखील उपस्थित होते.
राष्ट्रवादी अजित पवार गटाच्या नेत्या आणि मंत्री आदिती तटकरे यांनीदेखील आपला उमेदवारी अर्ज भरला. श्रीवर्धन म्हसळा विधानसभेत त्या उमेदवार असून त्यांच्यासोबत शिवसेना नेते भरत गोगवलेदेखील उपस्थित होते.
शिवसेना शिंदे गटाचे नेते आणि मंत्री उदय सामंत यांनी रत्नागिरी मतदारसंघातून आपला उमेदवारी अर्ज दाखल केला. यावेळी अर्ज दाखल करण्याआधी कार्यकर्त्यांचा जल्लोष पाहायला मिळाला.
मनसेने शिवडी विधानसभा मतदारसंघातून बाळा नांदगावकर उभे राहणार असल्याची घोषणा केली होती. त्यांनी आज मनसे प्रमुख राज ठाकरे यांच्या उपस्थितीत उमेदवारी अर्ज दाखल केला.
महायुतीचे उमेदवार राम शिंदे यांचा कर्जत जामखेड विधानसभा मतदारसंघातून उमेदवारी अर्ज दाखल केला आहे.
तसेच, छत्रपती संभाजीनगर पूर्व विधानसभा मतदारसंघातून राज्याचे गृहनिर्माण मंत्री अतुल सावे यांनीदेखील आपला उमेदवारी अर्ज आज दाखल केला.
