धारावीत अपघात; ट्रेलरच्या धडकेने पार्किंगमधील गाड्या मिठी नदीपात्रात
मुंबई : मुंबईतील धारावी येथील टी जंक्शनवर शुक्रवारी पहाटे मोठा अपघात झाला. एका मोठ्या ट्रेलरने चार ते पाच वाहनांना धडक दिली. यामुळे ही वाहने मिठी नदीच्या पात्रात ढकलली गेली. चालकाला डोळा लागल्यामुळे हा अपघात झाल्याचा प्राथमिक अंदाज आहे. सुदैवाने या अपघातात जीवितहानी झाली नाही. (सर्व छायाचित्र : दीपक साळवी)
मुंबईतील धारावी येथील टी जंक्शनवर शुक्रवारी पहाटे भीषण अपघात झाला.
या धडकेत सहा गाड्या या मिठी नदीच्या पात्रात पडल्या. यात टॅक्सी, टेम्पो यांचाही समावेश आहे.
चालक झोपेत असल्यामुळे त्याचा गाडीवरचा ताबा सुटून हा अपघात झाल्याची शक्यता आहे. मात्र, अपघाताचे नेमके कारण अजून समोर आलेले नाही.
अपघाताची माहिती मिळताच पोलीस अधिकारी आणि अग्निशमन दलाच्या गाड्या तातडीने घटनास्थळी पोहोचल्या.
नदीत पडलेल्या गाड्या बाहेर काढण्यात यश आले असले तरी अद्याप एक गाडी अडकल्याचे कळते.
