श्री काशी विश्वनाथ मंदिराच्या धर्तीवर मुंबादेवी मंदिर परिसराचा पुनर्विकास करणार आहे. त्यासाठी मुंबादेवी मंदिर डेव्हलपमेंट ऑथिरीटी प्राधीकरणाची स्थापना करण्याबाबत शासन सकारात्मक निर्णय घेणार असल्याचे मुख्यमंत्री एकनाथ शिंदे यांनी गुरुवारी सांगितले.
काळबादेवी येथील मुंबादेवीचे दर्शन घेऊन या परिसराची पाहणी केल्यानंतर मुख्यमंत्री एकनाथ शिंदे माध्यमांशी संवाद साधत होते. त्यावेळी महिला व बालविकास मंत्री मंगलप्रभात लोढा, विधानसभा अध्यक्ष ॲड. राहुल नार्वेकर, आमदार सदा सरवणकर, माजी मंत्री डॉ.दीपक सावंत, माजी मंत्री राज के पुरोहित व माजी नगरसेवक आकाश पुरोहित,अतिरिक्त महापालिका आयुक्त पी. वेलारासु आदी उपस्थित होते.
मुख्यमंत्री एकनाथ शिंदे म्हणाले की ,मुंबादेवी हे प्राचीन मंदिर असून याप्रती सर्वांनाच श्रध्दा,आस्था आणि प्रेम आहे. मुंबादेवी मंदिर परिसरात अनेक भक्तगण भेट देत असतात. श्री काशी विश्वनाथ मंदिर व उज्जैन स्थित महाकाल मंदिर कॉरिडॉर,तिरूपती देवस्थानांच्या धर्तीवर विकास करण्यात यावा, अशी मागणी मुंबईकरांची आहे. या परिसरात अत्यावश्यक असणा-या सोयी सुविधा लक्षात घेऊन त्या ठिकाणी दर्शन रांगा, पार्किंग व येथे आवश्यक असणा-या परिसराच्या विकासाबाबत शासन सर्वोतोपरी प्रयत्न करेल, असेही मुख्यमंत्री एकनाथ शिंदे म्हणाले.
( हेही वाचा: घासलेट चोर… माकडाची कुंडली… मिटकरींच्या टीकेवर मनसेचा जोरदार पलटवार )
#रामनवमी च्या पवित्र दिनी मुंबईकरांची ग्रामदेवता अशी ओळख असलेल्या #मुंबादेवी मंदिरात उपस्थित राहून श्री मुंबादेवी मातेचे आज मनोभावे दर्शन घेतले. हिंदुत्वाचे प्रतीक असलेला भगवा झेंडा याप्रसंगी मंदिराच्या विश्वस्तांना सुपूर्द केला. #Mumbai #Mumbadevi pic.twitter.com/5uiODyGFqz
— Eknath Shinde – एकनाथ शिंदे (@mieknathshinde) March 30, 2023