टी ट्वेंटी विश्वकचषक २०२१ ची आजपासून सुरूवात होणार आहे. टी ट्वेंटीचा एकदाही विश्वकप न जिंकलेल्या ऑस्ट्रेलिया आणि दक्षिण आफ्रिका यांच्यात सलामीचा सामना होणार आहे. दोन्ही संघ विजयाने या मालिकेची सुरूवात करण्यासाठी कंबर कसून प्रयत्न करत असल्याचे पहायला मिळत आहेत. त्यामुळेच विश्वचषकातील पहिला सामना हा अतिशय चुरशीचा असा ठरणार आहे. ऑस्ट्रेलियाने टॉस जिंकून क्षेत्र रक्षणाचा निर्णय घेतला आहे.
लागोपाठ ५ मालिकांमध्ये ऑस्ट्रेलियाचा पराभव
ऑस्ट्रेलिया संघासाठी टी २० विश्वचषकातील अपयश हा खूप मोठा चिंतेचा विषय आहे. संघाला विश्वचषकात पोहचण्याच्या आधीही मोठे पराभव सहन करावे लागले होते. बांग्लादेश, न्यूझीलैंड, भारत आणि इंग्लंडसोबतच्या दोन्ही मालिकेत ऑस्ट्रेलियन संघाचा पराभव झाला होता. दरम्यान संघाने फक्त ५ सामन्यात विजय मिळवला, तर १३ सामन्यात ऑस्ट्रेलियाला पराभव पत्करावा लागला होता. लक्षणीय बाब म्हणजे त्या सामन्यांत संघातील मुख्य खेळाडू खेळायला नव्हते, त्या खेळाडूंना तयारीसाठी पूर्ण वेळ मिळाला नव्हता.
वॉर्नरच्या फॉर्म बद्दल चिंता कायम
संघासाठी सर्वात चिंतेचा विषय म्हणजे आक्रमक फलंदाज डेविड वॉर्नर सध्या खराब लय मध्ये खेळत आहे. आयपीएलच्या दुसऱ्या सत्रात पहिल्या २ सामन्यांत तो शून्य धावा करून बाद झाला. या सुमार कामगिरीनंतर त्याला संघातून बाहेर करण्यात आले होते. त्याचा खराब फॉर्म विश्वकपातील २ सराव सामन्यांत देखील पहायला मिळाली त्याने २ सामन्यांत शून्य आणि १ धावांची निराशाजनक खेळी केली.
फिंचच्या फॉर्म बाबत संभ्रम कायम
गुडघ्याच्या शस्त्रक्रियेनंतर पदार्पण करणाऱ्या कर्णधार ऐरोन फिंचकडे देखील सामन्यासाठी पुरेसा अभ्यास केलेला नाही. उपकर्णधार पॅट कमिंसने एप्रिलमधील आयपीएलच्या पहिल्या सत्रानंतर एकही सामना खेळला नाही. संघासाठी फिरकीपट्टूंविरूध्द खेळणे आव्हानात्मक होणार आहे. मधल्या फळीने चांगली खेळी करण्याची गरज आहे स्टीव स्मिथ, हरफनमौला, मार्कस स्टोइनिस, मिचेल मार्शल आणि ग्लेन मॅक्सवेल हे प्रभावशील फलंदाज आहेत, कोणत्याही क्षणी सामन्याचा निकाल बदलू शकतात. विशेषत: मॅक्सवेल आपल्या चांगल्याच फॉर्ममध्ये आहे. त्याने आयपीएलच्या दुसऱ्या सत्रात ५०० पेक्षा धावा केल्या होत्या.
दक्षिण आफ्रिकेच्या संघात राहिली नाही जुनी ताकद
दक्षिण आफ्रिकेचा संघ चॅम्पियन वेस्ट इंडिज, आयरलंड आणि श्रीलंकेसोबत २ मालिकांमधील पराभवाचा सामना करून इथपर्यंत पोहचला आहे. पण विश्वकपातील दोन्ही सराव सामने जिंकून आफ्रिकेच्या संघाने नवीन आत्मविश्वास मिळवला आहे. सध्याच्या संघात पहिल्या संघासारखे मोठे खेळाडू नाहीत. त्यामुळे विश्वकप जिंकण्याची आशा कमी असल्याचे पहायला मिळत आहे. दक्षिण आफ्रिकेच्या सलामीवीरांची लय सध्या खराब आहे. मोठे शॉर्ट्स खेळणाऱ्या खेळाडूंबाबत चिंता कायम आहे. आक्रमक फलंदाज डेविड मिलर ह्याच्या फॉर्म बद्दल संभ्रम अद्यापही कायम आहे.
