भारतामध्ये कोरोनाचा प्रादुर्भाव दिवसेंदिवस वाढताना दिसत आहे. कोरोनाच्या दुसऱ्या लाटेमुळे रुग्णांच्या संख्येत सातत्याने वाढ होत आहे. त्यामुळे कोरोनाचा संसर्ग रोखण्यासाठी १८ वर्षांवरील सर्व नागरिकांचे लसीकरण करण्यात येत असून येत आहे. भारताचा यष्टीरक्षक-फलंदाज रिषभ पंतने या सुविधेचा लाभ घेत गुरुवारी कोरोना प्रतिबंधात्मक लसीचा पहिला डोस घेतला. याबाबतचा फोटो त्याने सोशल मीडियावर शेअर केला. ‘मी आज लसीचा पहिला डोस घेतला. तुम्हीसुद्धा पात्र असल्यास लस घ्या. जितक्या लवकर आपल्याला लस मिळेल तितक्या लवकर आपण या विषाणूचा पराभव करू शकू,’ असे २३ वर्षीय पंतने त्याच्या ट्विटमध्ये म्हटले.
Got my first jab today. When you are eligible, please step up and get the vaccine. The sooner we do it, the sooner we can beat this Virus. pic.twitter.com/D8AC4WrESO
— Rishabh Pant (@RishabhPant17) May 13, 2021
क्रिकेटपटूंचा चांगला प्रतिसाद
कोरोना लसीकरणाला भारतीय क्रिकेटपटूंनी चांगला प्रतिसाद दिला आहे. भारताचा कर्णधार विराट कोहलीने काही दिवसांपूर्वीच मुंबईत कोरोना लसीचा पहिला डोस घेतला होता. त्याचप्रमाणे शिखर धवन, अजिंक्य रहाणे, उमेश यादव, दिनेश कार्तिक आणि चेतेश्वर पुजारा यांसारख्या भारतीय क्रिकेटपटूंनी लस घेतली असून सर्व नागरिकांना लस घेण्याचे आवाहनही केले आहे.
शास्त्रींनी सर्वात आधी घेतली लस
भारतीय क्रिकेट संघाशी संबंधित व्यक्तींमध्ये प्रशिक्षक रवी शास्त्री यांनी सर्वात आधी लस घेतली होती. सुरुवातीला जेष्ठ नागरिकांना लसीकरण करण्यात येत होते. त्यावेळी शास्त्रींनी मार्च महिन्याच्या पहिल्या आठवड्यात लस घेतली होती. त्यानंतर १८ वर्षांवरील नागरिकांचे लसीकरण सुरु झाल्यापासून खेळाडूही लस घेताना दिसत.
