लियम लिविंगस्टनच्या झुंजार शतकानंतरही इंग्लंडला पहिल्या टी-२० सामन्यात पराभव पत्करावा लागला. पाकिस्तानने नॉटिंगहॅम येथे झालेल्या या सामन्यात ३१ धावांनी विजय मिळवत तीन सामन्यांच्या या टी-२० मालिकेत १-० अशी आघाडी घेतली आहे. या सामन्यात पाकिस्तानने प्रथम फलंदाजी करताना ६ बाद २३२ अशी धावसंख्या उभारली होती. ही पाकिस्तानची टी-२० क्रिकेटमधील सर्वोच्च धावसंख्या ठरली. याचा पाठलाग करताना लिविंगस्टनने ४२ चेंडूत शतक झळकावले. इंग्लंडच्या फलंदाजाने टी-२० क्रिकेटमध्ये केलेले हे सर्वात जलद शतक ठरले. परंतु, त्याला इतरांची फारशी साथ न लाभल्याने इंग्लंडला पराभवाचा सामना करावा लागला. पाकिस्तानच्या शाहीन शहा आफ्रिदी आणि शादाब खानने ३-३ विकेट घेतल्या.
Pakistan win the 1st T20I against England by 31 runs 🎉
Shaheen Afridi is the pick of the bowlers returning figures of 3/30. #ENGvPAK | https://t.co/IoVJZWiC0L pic.twitter.com/EcHEyYPPaW
— ICC (@ICC) July 16, 2021
आझम-रिझवानची १५० धावांची सलामी
या सामन्यात इंग्लंडचा कर्णधार इयॉन मॉर्गनने नाणेफेक जिंकून प्रथम क्षेत्ररक्षण करण्याचा निर्णय घेतला. पाकिस्तानच्या डावाची उत्कृष्ट सुरुवात झाली. कर्णधार बाबर आझम (४९ चेंडूत ८५) आणि मोहम्मद रिझवान (४१ चेंडूत ६३) यांनी १५० धावांची सलामी दिली. त्यानंतर अखेरच्या षटकांमध्ये फखर झमान (८ चेंडूत २६) आणि मोहम्मद हाफिज (१० चेंडूत २४) यांनी केलेल्या फटकेबाजीमुळे पाकिस्तानने २० षटकांत ६ बाद २३२ अशी धावसंख्या उभारली.
लिविंगस्टनची एकाकी झुंज
२३३ धावांचा पाठलाग करताना इंग्लंडचा सलामीवीर डाविड मलान (६ चेंडूत १), तसेच जॉनी बेअरस्टो (७ चेंडूत ११) आणि मोईन अली (४ चेंडूत १) झटपट बाद झाले. जेसन रॉयने १३ चेंडूत ३२ धावा फटकावल्यावर त्याला शादाब खानने बाद केले. एका बाजूला विकेट जात असताना दुसऱ्या बाजूने लिविंगस्टनने उत्कृष्ट फलंदाजी करत ४३ चेंडूत ६ चौकार आणि ९ षटकारांच्या मदतीने १०३ धावांची खेळी केली. यानंतरचे इंग्लिश फलंदाज फारसे योगदान देऊ शकले नाहीत. त्यामुळे इंग्लंडचा डाव २०१ धावांत आटोपला.
A magnificent century by Liam Livingstone off just 42 balls 💯
However, just a ball later he is caught at long-on as Pakistan take the upper hand.#ENGvPAK | https://t.co/KXr6Yd1zGE pic.twitter.com/MQ7GOaxhCJ
— ICC (@ICC) July 16, 2021