नवी दिल्ली : आयसीसी एकदिवसीय विश्वचषक 2023 स्पर्धेदरम्यान ऑस्ट्रेलियाचा स्टार वेगवान गोलंदाज मिचेल स्टारने एकदिवसीय क्रिकेटमध्ये एका डावात दोन्ही टोकांकडून नवीन चेंडूंच्या वापरावर प्रश्न उपस्थित केले आहेत. एकदिवसीय क्रिकेटमध्ये दोन नवीन चेंडूंचा दीर्घकाळ वापर केला जात आहे. आयसीसीने 2011 मध्ये हा नियम लागू केला होता. मात्र मिचेल स्टार्कच्या आधी जवळपास पाच वर्षांपूर्वी म्हणजेच 2018 मध्ये सचिन तेंडुलकरनेही याप्रकरणी प्रश्न उपस्थित केले होते. (Icc Odi World Cup 2023 Use of new balls from both ends in an innings Mitchell Starc reiterated Sachin Tendulkar statement after five years)
माध्यमांतील बातम्यानुसार, ऑस्ट्रेलियन वेगवान गोलंदाज मिचेल स्टार्क म्हणाला की, “माझा विश्वास आहे की एकदिवसीय क्रिकेटमध्ये दोन नाही तर एका चेंडूचा वापर करण्यात यावा. कारण चेंडू बराच काळ कठीण राहतो. त्यामुळे मैदान सपाट झाल्यावर चेंडू खूप रिव्हर्स स्विंग होतो. यामुळे गोलंदाजांना खेळात परत येण्यास मदत होते. परंतु आता या नियमात बदल होऊ शकतो किंवा नाही, हे मला माहित नाही. पण माझ्या निवृत्तीनंतर या नियमात बदल होण्याची शक्यता आहे.
हेही वाचा – IND vs NZ : न्यूझीलंड सामन्याआधी भारतीय संघावर दबाव; राहुल द्रविडने केले भाष्य
गोलंदाजांना रिव्हर्स स्विंग शोधण्यासाठी खूप वेळ लागतो. मात्र, याचा अर्थ रिव्हर्स स्विंग संपला आहे, असा होत नाही. रिव्हर्स स्विंग आणि ओव्हर स्विंग करणारे विकेट्स किंवा मैदाने अजूनही नक्कीच आहेत. त्यामुळे मला वाटते की, डावाच्या सुरुवातीला दोन चेंडूंनंतर चेंडू स्विंग होत नाही. चेंडू सुरुवातीला स्विंग होतो आणि परिस्थिती अनुकूल नसल्यास, चेंडू फार काळ स्विंग करत नाही. त्यामुळे शेवटपर्यंत ही गोष्ट फलंदाजांसाठी फायदेशीर ठरते. त्यामुळे चेंडू रिव्हर्स स्विंग होण्याची शक्यता गरजेची आहे.
मिचेल स्टार्क म्हणाला की, आम्ही स्पर्धेदरम्यान काही मैदानांवर दव पाहिले आहे. त्याठिकाणी रिव्हर्स स्विंग होत नाही. अशा परिस्थितीत चेंडूंला भरपूर दवाची गरज नसते. यामुळे चेंडू ओला होतो. त्यामुळे माझा विश्वास आहे की एकदिवसीय क्रिकेटमध्ये एकच चेंडू असावा, दोन नाही.”
रिव्हर्स स्विंग बऱ्याच काळापासून पाहिला नाही
दरम्यान, मिचेल स्टार्कआधी सचिन तेंडुलकर दोन नवीन चेंडूंच्या वापरावर प्रश्न उपस्थित केले होते. त्याने म्हटले होते की, एकदिवसीय क्रिकेटमध्ये 2 नवीन चेंडू असणे ही आपत्तीसाठी एक परिपूर्ण कृती आहे. कारण प्रत्येक चेंडूला उलट करण्यासाठी पुरेसा जुना होण्याची वेळ दिली जात नाही. डेथ ओव्हर्सचा अविभाज्य भाग असलेला रिव्हर्स स्विंग आम्ही बऱ्याच काळापासून पाहिला नाही, अशी भूमिका सचिन तेंडुलकरने मांडली होती.
