आशिया चषक क्रिकेट स्पर्धेच्या सुपर 4 मध्ये पाकिस्तानचा पराभव करण्यासाठी भारतीय संघाला चांगली कामगिरी करावी लागणार आहे. या स्पर्धेतील आठ दिवसांतील उभय संघांमधील हा दुसरा सामना आहे. आशिया चषक स्पर्धेत भारताने पाकिस्तानविरुद्ध आतापर्यंत एकूण 15 सामने खेळले आहेत. यातील काही सामने एकदिवसीय तर काही सामने टी-२० फॉरमॅटमध्ये खेळले गेले आहेत. भारतीय संघाने यापैकी नऊ सामने जिंकले आहेत. पाकिस्तानने पाच सामने जिंकले आहेत, तर एक सामना अनिर्णित राहिला आहे. (India will again with Pakistan Indian team needs better innings)
के. एल. राहुलच्या फॉर्मची चिंता
भारतीय संघासाठी पॉवर-प्लेमध्ये आघाडीच्या फळीतील फलंदाजांची बचावात्मक वृत्ती अडचणीची ठरू शकते. पाकिस्तानविरुद्धच्या शेवटच्या सामन्यात विराट कोहली किंवा रोहित शर्मा या दोघांनाही चांगली खेळी करता आली नाही. हाँगकाँग संघाविरुद्धही भारतीय सलामीवीरांनी फारशी चांगली फलंदाजी केली नाही. मात्र, सूर्यकुमार यादवच्या उत्कृष्ट खेळीमुळे संघाला मोठी धावसंख्या उभारता आली.
भारताच्या आघाडीच्या फलंदाजांची कामगिरी पॉवरप्लेमध्ये अडचणीची ठरत असेल, तर अननुभवी अवेश खानची डेथ ओव्हर्सची गोलंदाजीही संघ व्यवस्थापनासाठी चिंतेचा विषय आहे. अशा स्थितीत भारताला त्यांच्या गोलंदाजी आक्रमणात बदल करण्याची गरज वाटत आहे कारण त्यांचा सामना पाकिस्तानचा आहे, ज्याने गेल्या सामन्यात हाँगकाँगचा 155 धावांनी पराभव केला. मात्र, या सामन्यापूर्वी प्रशिक्षक राहुल द्रविड यांनी प्रकृती अस्वास्थ्यामुळे आवेश या सामन्यासाठी उपलब्ध नसल्याचे सांगितले आहे. अशा स्थितीत वेगवान गोलंदाजीची जबाबदारी भुवनेश्वर कुमार, हार्दिक पांड्या आणि अर्शदीप सिंग यांच्यावर असेल. जेव्हा भारताकडे अक्षर पटेलमध्ये किफायतशीर गोलंदाजी करू शकेल अशा खेळाडूची निवड असेल. तेव्हा दीपक हुडाला फलंदाजी अष्टपैलू म्हणून किंवा रविचंद्रन अश्विन यांचा गोलंदाजी अष्टपैलू म्हणून विचार करता येईल.
पाकिस्तानच्या अव्वल फळीतील सहापैकी दोन फलंदाज फखर जमान आणि खुशदिल शाह हे डावखुरे आहेत. त्यामुळे भुवनेश्वर कुमार आणि हार्दिक यांच्यासोबत ऑफस्पिनर असणे ही एक चांगली जोडी असू शकते. भारतीय संघ तीन वेगवान गोलंदाज आणि तीन फिरकी गोलंदाजांसह मैदानात उतरू शकतो.
दरम्यान, गेल्या रविवारी हार्दिक पंड्याच्या अष्टपैलू कामगिरीमुळे भारताला शेवटच्या षटकात रोमांचक विजयाची नोंद करण्यात मदत झाली आणि कर्णधार रोहितला या सामन्यात हार्दिक आणि त्याच्या इतर खेळाडूंकडूनही अशाच कामगिरीची अपेक्षा असेल.
दुखापतीमुळे स्पर्धेतून बाहेर पडलेल्या रवींद्र जडेजाचीही भारताला उणीव भासणार आहे. त्याच्या जागी अक्षर पटेलला संघात घेण्यात आले आहे. पाकिस्तानविरुद्धच्या मागील सामन्यात, मुख्य प्रशिक्षक राहुल द्रविडने जडेजाला उजव्या आणि डाव्या हाताचे संयोजन तयार करण्यासाठी चौथ्या क्रमांकावर फलंदाजीसाठी पाठवले होते कारण त्या सामन्यात ऋषभ पंतला वगळण्यात आले होते.
भारतीय संघ : रोहित शर्मा (कर्णधार), केएल राहुल, विराट कोहली, सूर्यकुमार यादव, ऋषभ पंत, दीपक हुडा, दिनेश कार्तिक, हार्दिक पंड्या, अक्षर पटेल, आर अश्विन, युझवेंद्र चहल, रवी बिश्नोई, भुवनेश्वर कुमार, अर्शदीप सिंग, आवेश खान ( आजारपणामुळे खेळणार नाही).
पाकिस्तान संघ: बाबर आझम (कर्णधार), शादाब खान, आसिफ अली, फखर जमान, हैदर अली, हरिस रौफ, इफ्तिखार अहमद, खुशदिल शाह, मोहम्मद नवाज, मोहम्मद रिझवान, नसीम शाह, शाहनवाज दहनी (दुखापतीसह संघाबाहेर), उस्मान कादिर, मोहम्मद हसनैन, हसन अली.
हेही वाचा – टी -20 वर्ल्डकपमधून रवींद्र जडेजा बाहेर, खेळणार नाही सामने कारण…
