इंडियन प्रीमियर लीग (IPL) स्पर्धेत आज चेन्नई सुपर किंग्स (CSK) आणि पंजाब किंग्स (PBKS) या संघांमध्ये सामना होत आहे. हा सामना मुंबईच्या वानखेडे स्टेडियमवर होत आहे. वानखेडेवर धावांचा पाठलाग करणारे संघ जास्त यशस्वी ठरत असल्याने आजच्या सामन्यात चेन्नईचा कर्णधार महेंद्रसिंग धोनीने नाणेफेक जिंकून प्रथम गोलंदाजीचा निर्णय घेतला. धोनीचा हा चेन्नईसाठी २०० वा सामना आहे. चेन्नईला यंदाच्या मोसमातील पहिल्या सामन्यात दिल्ली कॅपिटल्सने पराभूत केले होते. त्या सामन्यात चेन्नईच्या गोलंदाजांना चांगली कामगिरी करण्यात अपयश आले होते. मात्र, असे असले तरी चेन्नईने संघात बदल करणे टाळले आहे.
Toss Update: @ChennaiIPL captain @msdhoni wins the toss and opts to bowl first against @PunjabKingsIPL.https://t.co/P8VzT4XXbb #PBKSvCSK #VIVOIPL pic.twitter.com/xUzvTEkpRV
— IndianPremierLeague (@IPL) April 16, 2021
मागील सामन्यात चांगली कामगिरी केली
दुसरीकडे पंजाब किंग्सने यंदाच्या मोसमाची विजयी सुरुवात केली होती. त्यांनी पहिल्या सामन्यात राजस्थान रॉयल्सवर मात केली होती. त्यामुळे त्यांनी आजच्या सामन्यासाठी संघात बदल केलेला नाही. पंजाबच्या संघात क्रिस गेल, निकोलस पूरन, रायली मेरेडीच आणि जाय रिचर्डसन या चार परदेशी खेळाडूंचा समावेश आहे. आम्ही मागील सामन्यात चांगली कामगिरी केली आणि या सामन्यातही खेळपट्टीशी जुळवून घेण्याचा आमचा प्रयत्न असेल, असे कर्णधार लोकेश राहुल नाणेफेकीच्या वेळी म्हणाला.
Both @PunjabKingsIPL and @ChennaiIPL have opted to play the same XI. No changes today.https://t.co/P8VzT4XXbb #PBKSvCSK #VIVOIPL pic.twitter.com/YtkKmloUnx
— IndianPremierLeague (@IPL) April 16, 2021
