राहुल चहर आणि ट्रेंट बोल्टच्या भेदक माऱ्यामुळे मुंबई इंडियन्सने आयपीएलच्या सामन्यात सनरायजर्स हैदराबादवर १३ धावांनी मात केली. मुंबईचा हा सलग दुसरा विजय ठरला. हैदराबादची विजयाची पाटी मात्र कोरीच राहिली. या सामन्यात मुंबईने प्रथम फलंदाजी करताना ५ बाद १५० अशी धावसंख्या उभारली होती. याचा पाठलाग करताना हैदराबादची चांगली सुरुवात झाली. जॉनी बेअरस्टो (४३) आणि कर्णधार डेविड वॉर्नर (३६) या सलामीवीरांनी ७.२ षटकांत ६७ धावांची भागीदारी रचली. मात्र, कृणाल पांड्याने बेअरस्टोला बाद करत ही जोडी फोडली. बेअरस्टो हिट विकेट झाला. तर वॉर्नरला हार्दिक पांड्याने धावचीत केले. यानंतर हैदराबादचा डाव गडगडला. बिनबाद ६७ वरून हैदराबादचा डाव १३७ धावांत आटोपला. मुंबईकडून बोल्ट आणि चहरने ३-३ विकेट घेतल्या.
That’s that from Match 9 of #VIVOIPL.
Stupendous bowling performance from @mipaltan as they bowl out #SRH for 137 and win by 13 runs.
Scorecard – https://t.co/9qUSq70YpW #MIvSRH pic.twitter.com/4NOFJqVUqA
— IndianPremierLeague (@IPL) April 17, 2021
पोलार्डची अखेरच्या षटकांत फटकेबाजी
त्याआधी या सामन्यात मुंबईचा कर्णधार रोहित शर्माने नाणेफेक जिंकून प्रथम फलंदाजी स्वीकारली. मुंबईचे सलामीवीर रोहित (३२) आणि क्विंटन डी कॉक (४०) यांनी ५५ धावांची भागीदारी रचली. यानंतर विजय शंकरने रोहित आणि सूर्यकुमार यादव (१०) यांना झटपट बाद केले. ईशान किशन (१२) आणि हार्दिक (७) हेसुद्धा फार काळ खेळपट्टीवर टिकले नाहीत. मात्र, पोलार्डने अखेरच्या षटकांत फटकेबाजी करत २२ चेंडूत नाबाद ३५ धावा केल्या. त्यामुळेमुंबईने ५ बाद १५० अशी धावसंख्या उभारली.
