इंडियन प्रीमियर लीग (IPL) स्पर्धेत आज सनरायजर्स हैदराबाद आणि रॉयल चॅलेंजर्स बंगळुरू या संघांमध्ये सामना होत आहे. या सामन्यात हैदराबादचा कर्णधार डेविड वॉर्नरने नाणेफेक जिंकून प्रथम गोलंदाजी स्वीकारली. हैदराबादला यंदाच्या मोसमातील पहिल्या सामन्यात पराभवाचा सामना करावा लागला होता. हैदराबादला कोलकाता नाईट रायडर्सने पराभूत केले होते. या सामन्यात वेगवान गोलंदाज संदीप शर्माला चांगली कामगिरी करता आली नव्हती. त्यामुळे आरसीबीविरुद्धच्या आजच्या सामन्यासाठी त्याला संघातून वगळण्यात आले आहे. हैदराबादने संघात दोन बदल केले असून संदीप आणि मोहम्मद नबीच्या जागी शाहबाझ नदीम आणि जेसन होल्डर यांची निवड झाली आहे.
#SRH have won the toss and they will bowl first against #RCB in Match 6 of #VIVOIPL.
Follow the game here – https://t.co/hOTVTsmWsM #SRHvRCB pic.twitter.com/VnvplzdH0r
— IndianPremierLeague (@IPL) April 14, 2021
पाटीदार संघातून आऊट
दुसरीकडे आरसीबीने संघात एक बदल केला आहे. डावखुरा सलामीवीर देवदत्त पडिक्कलचे आरसीबीच्या संघात पुनरागमन झाले आहे. पडिक्कलला यंदाच्या स्पर्धेला सुरुवात होण्याआधी काही दिवस कोरोनाची बाधा झाली होती. त्यामुळे तो पहिल्या सामन्यात खेळू शकला नव्हता. आता मात्र तो संघात परतला असून रजत पाटीदारला संघातून वगळण्यात आले आहे. कर्णधार विराट कोहली आणिपडिक्कल आरसीबीच्या डावाची सुरुवात करणार असून शाहबाझ अहमद तिसऱ्या क्रमांकावर खेळेल.
A look at the Playing XI for #SRHvRCB #VIVOIPL https://t.co/IQ9ETCr6sF pic.twitter.com/zQ3uOSDMTv
— IndianPremierLeague (@IPL) April 14, 2021
