घरक्रीडाIPL 2024, CSK Vs DC: ऋषभ पंतने उघडले विजयाचे खाते; धोनीची तुफान...

IPL 2024, CSK Vs DC: ऋषभ पंतने उघडले विजयाचे खाते; धोनीची तुफान बारी झाली फेल

Subscribe

नवी दिल्ली: IPL 2024, CSK Vs DC: ऋषभ पंतच्या नेतृत्वाखाली, दिल्ली कॅपिटल्स (DC) ने दमदार कामगिरी दाखवली आणि इंडियन प्रीमियर लीग (IPL) 2024 मध्ये विजयाचे खाते उघडले. विशाखापट्टणम येथे रविवारी (31 मार्च) झालेल्या सामन्यात दिल्लीने चेन्नई सुपर किंग्जचा (CSK) 20 धावांनी पराभव केला. दिल्लीचा या मोसमातील हा पहिला विजय आहे. तर चेन्नईचा हा पहिला पराभव आहे. (IPL 2024 CSK Vs DC Rishabh Pant opens victory account Mahendra Singh Dhoni s attack failed)

या सामन्यात दिल्लीने 192 धावांचे लक्ष्य दिले होते, त्याला प्रत्युत्तरात चेन्नईचा संघ 6 गडी गमावून केवळ 171 धावाच करू शकला आणि सामना गमावला. संघाकडून अजिंक्य रहाणेने सर्वाधिक 45 धावांची आणि डॅरेल मिशेलने 34 धावांची खेळी खेळली. माजी कर्णधार महेंद्रसिंग धोनी या मोसमात पहिल्यांदा फलंदाजीला आला, पण संघाला विजयापर्यंत नेऊ शकला नाही.

- Advertisement -

धोनीने या सामन्यात आपले कौशल्य नक्कीच दाखवले आणि शैलीत षटकार मारले. मात्र 16 चेंडूत 37 धावा करून तो नाबाद राहिला. दिल्ली संघाकडून मुकेश कुमारने 3 बळी घेतले. तर खलील अहमदने 2 आणि अक्षर पटेलने 1 बळी घेतला.

चेन्नई संघाला विजयाची हॅट्ट्रिक करता आली नाही

महेंद्रसिंग धोनीच्या चेन्नईचा संघ यंदाच्या मोसमातील पहिला सामना हरला आहे. याआधी दोन्ही सामने जिंकले होते. प्रथम रॉयल चॅलेंजर्स बंगलोर (RCB) चा पराभव केला. त्यानंतर गुजरात संघाचा पराभव झाला.

- Advertisement -

मात्र चेन्नईला विजयाची हॅट्ट्रिक करता आली नाही. दुसरीकडे, दिल्ली कॅपिटल्सने या मोसमात आपले विजयाचे खाते उघडले आहे. दिल्ली संघाला पहिल्या सामन्यात पंजाब किंग्जकडून पराभव पत्करावा लागला होता. त्यानंतर दुसऱ्या सामन्यात दिल्लीचा राजस्थान रॉयल्सकडून पराभव झाला.

ऋषभ पंत आणि वॉर्नरने ठोकलं झंझावाती अर्धशतक

या सामन्यात नाणेफेक जिंकून प्रथम फलंदाजी करताना दिल्ली कॅपिटल्सने 5 गडी गमावून 191 धावा केल्या. संघासाठी डेव्हिड वॉर्नरने 35 चेंडूत 52 धावांची तर कर्णधार ऋषभ पंतने 32 चेंडूत 51 धावांची खेळी केली. कार अपघातानंतर ऋषभ पंतचे हे पहिलेच अर्धशतक आहे.

या व्यतिरिक्त या मोसमात पहिला आयपीएल सामना खेळणाऱ्या पृथ्वी शॉने 43 धावांची खेळी खेळली. दुसरीकडे, चेन्नई संघाकडून वेगवान गोलंदाज मथिशा पाथिरानाने 3 बळी घेतले. रवींद्र जडेजा आणि मुस्तफिजुर रहमान यांना प्रत्येकी 1 यश मिळाले.

सामन्यासाठी दिल्लीच्या प्लेइंग-11 मध्ये दोन बदल

या सामन्यासाठी ऋषभ पंतने आपल्या प्लेइंग-11 मध्ये दोन मोठे बदल केले. कुलदीप यादव दुखापतीमुळे बाहेर होता. तर रिकी भुई यांना डावलण्यात आले. त्यांच्या जागी पृथ्वी शॉ आणि इशांत शर्मा परतले. दुसरीकडे, कर्णधार रुतुराज गायकवाडने चेन्नईच्या प्लेइंग-11 मध्ये कोणताही बदल केलेला नाही.

चेन्नई विरुद्ध दिल्ली हेड-टू-हेड

एकूण सामने: 30
चेन्नई विजयी: 19
दिल्ली जिंकली: 11

दिल्ली आणि चेन्नईच्या सामन्यात प्लेइंग-11

चेन्नई सुपर किंग्ज : रुतुराज गायकवाड (कर्णधार), रचिन रवींद्र, अजिंक्य रहाणे, डॅरेल मिशेल, रवींद्र जडेजा, समीर रिझवी, महेंद्रसिंग धोनी (यष्टीरक्षक), दीपक चहर, तुषार देशपांडे, मथिशा पाथिराना आणि मुस्तफिजुर रहमान.

दिल्ली कॅपिटल्स: पृथ्वी शॉ, डेव्हिड वॉर्नर, मिचेल मार्श, ऋषभ पंत (कर्णधार/विकेटकीपर), ट्रिस्टन स्टब्स, अक्षर पटेल, सुमित कुमार, एनरिक नॉर्सिया, मुकेश कुमार, इशांत शर्मा आणि खलील अहमद.

(हेही वाचा: LPG Price Rate: मोठा दिलासा! गॅस सिलिंडरच्या दरात मोठी कपात )

- Advertisment -
- Advertisment -
- Advertisment -